عبش التونه بالاشبنت والكزبره ...

المقادير :
العيش على حسب الكميه ألي تبينها
2 علبة تونه كبيره
3 حبات بصل مفروم
2 فص ثوم و قطعة زنجبيل و حبة فلفل اخضر حار مدقوقين
3 حبات طماط مفروم
2حزمة شبت مفروم
2 ملعقه طعام كزبره مفرومه
2 ملعقة طعام معجون طماط
4 إلى 5 حبات ورق غار
البهارات الصحيحه: هيل و مسمار و قرفه و فلفل أسود
بهارات حميسة التونه: ملح و فلفل أسود و بزار و كركم و رشة بسيطه من بهارات التندوري...

الطريقه:
تسلقين العيش و تضيفين له البهارات الصحيحه و قليل من الزيت و الملح و تتركينه على صوب...

تحمسين البصل لين يشقر لونه تضيفين له الطماط لين ذاب تضيفين الثوم المدقوق و الزنجبيل و الفلفل و تحريكنهم تالي تحطين البهارات من الملح و الفلفل الاسود و الكركم و البزار على حسب رغبتج بالبهارات و تضيفين له شويه ماي و تحركينهم تالي تضيفين التونه و حركيهم عدل عقب تضيفين الكزبره و الشبت و معجون الطماط و تقلبينهم على نار هاديه و تركي شوي على نار هاديه لمدة 4 دقايق ...

تضيفين نص كمية العيش بالجدر و تالي تضيفين حميسة التونه و عقب تحطين باقي العيش و فوق العيش تضيفين شوية لون اصفر و حطي عليهم شوية ماي عشان تسكرين العيش على نار هاديه...

و تسوين يمه دقوس طماط بالصبار--(( انا حطيت قمردين رمان بدل الصبار))

و هني و عافيه على قلبكم...

و لا تنسين عصير الليمون المنعنع ....

الجوري
سلمتـ يداتج يالغلا
تصدقين أنا أسويها بس بدون إضافه طماطم ومعجون الطماطم جربي طريقتي وقولي لي رأيج
وأنا بجرب طريقتج إن شاء الله

تسلم يدينك الجوووري /،

والله اشتهيت الاكل بهالفجريه,,

تسلم دياتك ع الطبخه المميزه ربي يعطيك الف عااافيه

يسلموووو بناتي الحلوات هالله هالله بالطبخ السنع ....


وعوافي عليكم

مشكوووووور والله يعطيك الف عافيه

الله يعافيك على مرورك العطر