تنسيق محاورة حجاج المهيمزي ومحمد اخو عبده

محمد اخو عبده

تعال يلي تحمي الميقاف =والماقف الغصاب لصحابه
حجاج عندي له علوم انظاف =ان جيت اوصف كنها اثيابه

حجاج

جيتك وميز بين نون وكاف=والشبل شبل ويحكم الغابه

عطني جديدك ياغرب الاوصاف=مالك وصوف الا حصى الابه

محمد اخو عبده

البارحه مكسور لك مجداف= والليل دور ضلع تلجابه

هيبتك ضاعت من حذف حذاف = والحذف بين فيك مضرابه

حجاج

البارحه ترى الحكم للقاف=حجاج بالميقاف غنابه

ماودي اغلفك وسط اغلاف=وتموت مقهورٍ مناسبابه

محمد اخو عبده

القاف مايدري وش الانصاف = حتا الخبل لا جا تلوابه

انا نسفتك لو مني نساف = وحقك غدى من غير طلابه

حجاج

الشعرتالي الوقت فيه اخلاف=من يوم اخو عبده تحلابه

رمحي ليامنه زرق قصاف=فرق مابين الرجل واحبابه

محمد اخو عبده

خشمك من الصكات فيه ارعاف= وجماك دور وينها انيابه
اقول دقوله على الاسعاف= هذا الولد منهاره اعصابه

حجاج

السالفه تنعاد عشر الاف=والخبل يلعن جد من جابه

بعض الفضاوه نعتبرها اسراف=لاطحت في مسكين وزلابه

محمد اخو عبده

عزالله انك كنك الكشاف = ضوه مبه شخص يتضوابه
والله ياحجاج ماتنشاف=وان كان شفتك كنك اذبابه

حجاج

عزالله انك بين وشفاف=لاكن شف شي تلهابه

صح البهايم تاكل الاعلاف=ماتميز من البيت واطنابه

محمد اخو عبده

لانتحسبنك كبتن وهداف=وشغلتك ماني قايل ربابه
من بعد هاذي شيلو الاشراف=واقول يالله تجبر مصابه

واتمنى ان تنال استحسانكم

ههههههههههههههههههه طاروووق غير شكل

لكن لكم طاروق ميداني خاص بحفل عمكم ههههههههههه

وان شاء الله بنزله فديو على شان يحكم عليكم سيف عبس وصفوان

صح الله السنتونا

انا وحجاج شعار مافينا حيله وفلنا التوفيق

وعمنا ماحنا لاعبين بعرسه

ههههههههههههههههه

صح لسانكم ومشكور على التنسيق حجاج


واخوي سلمان نزلة المقطع ابي احكم ابي اصير من ضمن لجنه التحكيم

ابشر يالسيف لايهمك خل بس عظامهم تشيلهم ويلعبون ميداني ولك وعد مني اني لأنزل المحاورة فديو الا اذا صارت ماتجمل ههههههههه


ولا احضر الحفل وتابع على الهواء مباشرة

محمد & حجاج
صح إلسانكم

ابك حنا ماحنا لاعبين بحفلك

ولا انت ودك انشرف حفلك ونلعب

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههه