المستحيله ... !!!

إهداء لطهر قلوبكم .. أمل الإستحسان :


..



[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بركان صدري ثايره يدّرج له = عامين والخافي مبارك ذلوله
مجبور لأمره وإن عصيته فلج له = برهان قول ٍماثبت له مقوله
شعري يطيع وجابره ماهرج له = والمستحيله خاضعه ومعقوله
حار القدم وأحتار فكر ٍ نهج له = وأسخا من الغبات مرجان لوله
شاعر وغيري فالبحر من نسج له = بحر ٍ يميّز عدلها عن ميوله
الفكر يغزي والهدف لادمج له =يروي مواريد الظماء لاظموله
رميت مغزاها وشعري سرج له = وكسبه من الشرّد تجيك معزوله
نوخت ركبي في حما من زعج له = والعمرماعمّر يزول بسهوله
أنا وغيري فالهوى من بهج له = وأرخص بروح ٍ لاطلبها عجوله
لحيّ الزمن سيفٍ لياملت عجله = على صليب العظم حموت نزوله
قلب العناء من شوف عينه نهى أجله = منهاج عن نهجه مدارج حلوله
بحرالضياع اللي مغاريق نجله= ترحال ياطرف ٍ نعس من ذبوله
غريق بحر الحب من مات لأجله = عبور كرته من ضحايا فدوله
يدفع لهيبه جمرة ٍ تدّهج له = من لونها شوقي حمار لقبوله
أستيسرالخفاق ساعة لعج له= فلج ٍحجبها من شفاه معسوله
القلب روحه مخّليه ويهدج له = ولاجف محجر وجنته من بلوله
أعذب مناهيله من فرات دجله = وأصدق من اللي في مدالج ثعوله
نبات سكر خلقته مامزج له = ذايب مناحل سدرها من فضوله
كم من ضرير ٍ داير الحول حجله = على ملاهيده ثقايل حموله
أبقا ويبقى بالعطب لو فرج له = أغلال سجنه ماعفت ضيق جوله
صوت الطرب مني طروب ٍهزج له = على وتر حزني رقص لك زعوله


[/poem]


..

الحرالأشقر

[justify] [/justify][justify][/justify][justify][/justify][justify][/justify]
[justify]

حــار الـقــدم وأحـتــار فـكــر ٍ نـهــج لـــه

وأســخـــا مـــــن الـغــبــات مـــرجـــان لــوله

هذي القصيدة مليئةبمرجان ولؤلؤ الشعر الجزيل.. لذا لابد من قراءتها أكثر من مرة

نقطة من بحر الشعر العذب لكنها تروي عطش ملايين من أصحاب الذوق الرفيع والحب الفضيع

أخي الحر الأشقر حاولت ان اختار بيت القصيدة في نظري فوجدت كل بيت قصيدة .

اشكرك على هذه القمة من قمم جزل المعاني ولك اعجابي وتقديري

[/justify]

سعد المسعودي

صح السانك وعلاشانك

على القصيده الرائعه تحمل صور شعريه جميله

شاعر لمع في سماء الابداع
صح السانك مره آخرى

صح الله السانك الشاعر سعد المسعودي قصيده جزله من شاعر جزل

صح السااانك قصيده راائعه جداً


يعطيك الف عااااافية

سعد المسعودي

صح السانك وعلاشانك

المسعودي

أولاً حياك الله وياهلا ومليار غلا

وصح السانك وعلا شانك