عمر الهوى ماينقص من الرجوله

السلام عليكم
أتشرف بوجودي بينكم
وهذه أول مشاركه
وبتعجبكم إن شاء الله

للبوح لجروح المحبين للشوق
......................للناس لأحساس ٍ تعذر وصوله
غنيتها تايق وضايق ومخنوق
......................والنفس من شوف الأوادم جفوله
ما أبغى من الدنيا سوا سيدة ذوق
......................النادرة بنت السحاب الخجوله
اللي عليها قلب عبدالله فتوق
......................اللي دموعي في وداعه عجوله
وأردها عزه وتسجن على الموق
......................حرام حتى الدمع غاضت سيوله
أعيش حلم ٍ جعلني منه ما أفوق
......................عايش لحالي فيه دور البطوله
ما أحدٍ درى عني ولا حس مخلوق
......................باللي أحسه بس ما أقدر أقوله
أنا أدري اني فيه خاسر و مسروق
......................قلب ٍ وربي غيرها مايطوله
قلبٍ وضوحه غيم وأشواقه بروق
......................وقصايده فيك المطر في هطوله
لايابعد قلب ٍ يحسك له عروق
......................لايابعد روحٍ ملكت بسهوله
قولوا لها واللي رفع قدرها فوق
......................وبنا لها بين المعاليق دوله
أني معاها صدق عاقل ومطفوق
......................مجنون صاحي يلمح الموت حوله
وأنا أشهد أن الشوق هو سبة العوق
......................وأنا مابينت إلك شوقي وهوله
شوقي لك أكبر من هل النوق للنوق
......................وأصدق من الضحكه بوجه الطفوله
ياصغير أنا لنفسي على نفسي حقوق
......................وأبسط حقوقي ضحكتي ومحيوله
رجال وأعاني من الود محروق
......................وعمر الهوى ماينقص من الرجوله

وسلامتكم

ي سلام والله

عبدالله عواد صح لسانك مليووووون ولا يسدوووون

ابداع لا يضاهي في ابداع

لله درك


تثبيت وتميز



تحياتي لك

حياك الله عبدالله بيننا وصح الله السانك على القصيده الجزله

.

هذآ كل مايحتآجه الحب ..وفآء لو جآرت الدنيآ ..
لله درك عبدالله على هآلقصيده اللي تحمل بدآخلهآ روح شآعر لازال بقمة إخلآصه ..
صح لسآنك مليووون ..
دمت لغاليك وبإحسن حآل يآرب ،،،

عبد الله عواد

صح السانكـ وعلاشانكـ,,

هكذا نبرات الحب والود أبيات جميله و أحاسيس مرهفه ,

ما أجمل الابيات !,,..

قلبٍ وضوحه غيم وأشواقه بروق
......................وقصايده فيك المطر في هطوله
قصيدة أخذت من مطر الشعر: العذوبة ..والصدق ..والأبداع
واستقبلناها مثل المطر .....
شكر خاص وجزل بجزالة شاعرها
تقلب اعجابي وتقديري

الجزل : عبدالله عواد

أولـاً : بكل أيات الترحيب ... نقول ياهلابك عدد مافز الخفوق وهلابك ..

بموقعك وبين زملائك .. أخ عزيز .. وزميل أعز ..

... وبكل أمانه .. قد راااق لي .. من بين أبيات
هذا النص .. الكثير ..

.. كيف لـا .. وأنت من يقول :

للبوح لجروح المحبين للشوق

.................للناس لأحساس ٍ تعذر وصوله

غنيتها تايق وضايق ومخنوق

.................والنفس من شوف الأوادم جفوله

أيضا :

لايابعد قلب ٍ يحسك له عروق

...............لايابعد روحٍ ملكت بسهوله

كذلك :

شوقي لك أكبر من هل النوق للنوق

...............وأصدق من الضحكه بوجه الطفوله

فما أجمل الأختتام والذي لايقل روعة ٍ عن بيت الإرتكاز

كمدخل للنص ..

رجال وأعاني من الود محروق

.................وعمر الهوى ماينقص من الرجوله

//////

,, أخيراً فصح لسانك ولاهان رأسك ..

أحترامي

أخوك : الحرالأشقر