ِِ مقــهى البـوح الشـعري ..،، تفضل أرتشف قهوتك ..ِِ.

مظلمه في غيبتك كل الْكُويت..
والشوارع غارقـه بأحزانهـا..

يتلني قلبي على هرجتك تل
واجي اسولف لك ولو ماسئلتي

كنتي اصغيره .. بس اغلا من الكل
كنت اتامل خير لامن كملتي

لكن خساره مانفع : ياعسى وعل
صرتي مثل ورده .. كبرتي وذبلتي

انتى وصلتي مرحله مالها حل
اتفه سبب لا من حصل لك زعلتي

ان كان قلبك من تعب عالمي مل
محد جبرك انتى بكيفك دخلتي

ابعتبر نفسي مثل غاديٍ دل
وانتى معايه .. مانجحتي فشلتي

مرضى عليك ولا على نفسي الذل
اعادلك بالروح مهما عملتي

انا اخير انسان .. في حقك يزل
اموت ‍‍‍.. وانتى بشيمتي مانخذلتي

انا عطيتك ما تعذرت بالقل
وانتى بقول الحق فيني بخلتي

انا رسمتك غيمةٍ للبشر ظل
اعلا مكانه في حياتي وصلتي

كنتى بمكانن مرتفع تحتك الكل
لكن خساره من مكانك .. نزلتي

لو تدري الناس بـ أوجاع [ المح‘ـبه ]
كان ما ح‘ـبّت !
كان ما صار ..{ الجفا
كان كل قلوب خلق الله
..{ تربّت
........{ تربّت
............{ تربّت .*

دايم على الخاطر تجي مثل الامطار

كنك تعرف .. اني من الشوق ظامي

انا فرشت القلب لك ورد وازهار

وانت بغلاتك .. فقت كل اعترافي

يارب والناس ما تدري عن الخافي /
وانت اعلم بحزن روحي وبخوافيها ،

ساعدني آعيش وافي واندفن وافي /
وامنعني مْن الخطايا ، قبل اسوّيها !

باقي من الذكـرى رسـوم للاطـلال
هوج الريـاح العاتيـة مـا محتهـا

اظنهـا تبقـى علـى مـر الاجيـال
تفيـد عـن قـدرة يديـن بنتـهـا

ارض نشا فيها مـن الخلـق نـزال
وشخص عشقته عاش في ناحيتهـا

ان غبت عنها شفت من ضيقة البال
ما يلحـق النفـس العليـلة عنتهـا

وان جيتها عقب التباطي والامهـال
رجلي تسير اليـن تاصـل جهتهـا

واقف عليها وارسل الطرف يجتـال
والرجـل ماكـن البسيطـة تحتهـا

تموج كنـي واقـف فـوق زلـزال
وعينـي تضيـق بعبـرة حابستهـا

اخاف يـدري بـي حسـود وعـذال
حيث العيون دموعهـا هـي لغتهـا

يا جماعة و ان نويتوا على انكم راحلين ** غمغموني عن مظاهيركم لا اشوفها
كن في صدري سنا نار بدوٍ نازلين ** ولعوها بالشفا و الهبوب تلوفها
عيدوا بي بالخلا و الفريق معيدين ** كل عذرا نقّشت بالخضاب كفوفها !