نركض وراﻻيام

‏​نركض مع الايام في كل ديره ،
وناكل لحوم الغير من دون تقصير ،

محدن درى بالاخره وش مصيره ،
كلن يحاول بس جمع الدنانير ،

احدن هواه الصيد ويحب طيره ،
واحد طموحه كيف جمع المغاتير ،

واحدن همومه بس يرضي مديره ،
واحد يحاول كسب حب الغنادير ،

محدن عمل لجل الحياة الاخيره ،
يوم الحساب ويوم عرض التقارير ،

في يوم ماينفعك شمل العشيره ،
ولاينفعك شهرة قصيد وجماهير ،

ولاينفعك فعل الذنوب الكثيره ،
من عمرك اللي راح كله مخاسير ،

يالله دخيلك جعل بالامر خيره ،
ويالله عسانا من هل الدين والخير !

في يوم ماينفعك شمل العشيره ،
ولاينفعك شهرة قصيد وجماهير


صح الله لسانك ولسان قايلها
تسلمي اختي بصراحه انتقاء رائع

الله الله قصيده رآآقت لي..

يسلموو ع الاختيار النايس ..

فعلاً ابيآت بصميم ..

أجمل تحياتي وخالص تقديري

شكراً اختي ع القصيده الرائعه... يعطيك العافيه.

صح الله لسانك ولسان قايلها
تسلمي اختي بصراحه انتقاء رائع

صح لسانك ومشكور اخوي على النقل وتقبل مروي تحياتي لك وللجميع ...