يوميات عبيد

هنا يوميات الشاب المكافح عبيد الذي يسكن في قرية العائله والاجداد والاصحاب على شكل حلقات قصيره ومواضيع مختلفه تعبر عن يوميات عاشه هذا البطل(بطل في الغباء طبعا لكن لا ننسى مواقفه الرجوليه وهذا ما سوف نشاهده في الحلقات القادمه)التي لا تخلو من الطرائف الجميله والمواقف الكثير اترككم مع اولى الحلقات
(عبيد والهندي)
ابوعبيد.......عبيد يا عبيد هذا وش بلاه ما يسمع يا عبيد...... ام عبيد......عبيد ما هو فيه طالع مع سلمان...... ابوعبيد.......وانا وش قايل له من البارح لا يفارق البيت ابروح انا ويااه يمال الاديور=مرض)كم مرره اقول عبيد لا يمشي مع سلمان.... ام عبيد......لا تدعي على وليدي حررااام علييك وش حليله ويحميه من عيون الناس..... ابوعبيد....وش يحسدونه عليه من زين راسه الي تقل صاروخ او عيونه الي تقل نظارات(طبعا يشبه عيونه بالنظارات من كبرها) عساه يجي والله لا اتفاهم معاه..... عبيد....... يا صديق اترس=عبي البنزين فلل خلاص يا دوق .....الهندي خلاص ما فيه سوي كلام كثيير اسكت..... عبيد...يهب يا وجهه لا ترفع صوتك وخلك رجال دوق=كلب(اصلا عبيد ما يدري وش معنى دوق يحسبها كلمه طيبه) الهندي.....انت ايش كلام انت فكر خوف انا اذبح انت..... عبيد.......انت ما تعرف عبيد(ويروح عبيد ويجيب له ذيك العصا الي اطول منه متأثر الاخ في الافلام الصعيديه) ..... الهندي انت يبغى يضرب تعال(ويمسك عبيد وعصاه ويرفع فيه فوق وينزله تحت).... عبيد ......يا سلمان ابك ارثع=اركض ذبحني الهندي)ويجيك سلمان بكامل سرعته ورافع الثوب ويطلع السروال الي جامع كل الالوان من قوة النظافه طبعا (مسوي قوي سلمان) ويمسك سلمان ويحطه فوق عبيد ويتجمعون الهنود وانواع الضرب فيهم لكن الحمدلله بعد وصول الشرطه ما زال عبيد وسلمان على قيد الحياه(وفي مركز الشرطه)..... الظابط وش السالفه يا اخوان ليش متضاربين ..... الهندي....شوف صديق هذا نفررر كثيررر مرييض (وعبيد طايره عيونه يبي يضرب الهندي)انا عبي بنزين هو يجلس يقووول دوق انا مافي دوق...... الظابط صحيح يا عبيد....... عبيد.....ايه يا شرطي انا اقول له كلام حلو وهو يضربني اسمع يا دوق(يقصد الظابط)الناس هذي ما ينفع معاها الكلام الطيب يا شرطي...... الظابط......اي كلام حلو وانت تعرف كلمة دوق وش..... عبيد......لا بس يقولها الحلاق كل ما يشوفني....... الظابط دوق يعني يا كلب انت كلب يا عبيد.... عبيد ابك والله لا اذبح الحلاق......الظابط .....وقدامي تهدد الحلاق انت شكل لك تعبان مرره يا عسكري تعال خذ عبيد وسلمان التوقيف (ويطلع الهندي بعد اكتشاف ان عبييد انساان منتهي الصلاحيه وبعد حضور والد عبيد وسلمان يخرجون من السجن)....... ابوعبيد...... شغلك في البيت انت تعرف تضرب الرجال يعننك قوووي اقول تستاهل يا الرخمه ما جاك.... عبيد......... اقول لا تكثرها معاي لا اخربها معاك ....... ابوعبيد......وش تقووول ما سمعت (وانواع البريكات بنص الطريق ويعطيك ضرب في عبيد)والحمدلله تم الوصوول الى بيت بعد ان تعلم عبيد دروس في هذا اليوم ومنها معنى كلمة (دوق )الي بسببها دخل التوقيف وانوع الضرب الي جاه من الهندي وابوه..... وانتظروا الحلقه القادمه من مغامرات عبيد واترك لكم تقييم الحلقه وشكرا...... بقلم علي المهيمزي

الله يعطيك العافية
فكاهي
متمرس

تسلم والله اخوي فهد و اتمنى ان تحوز جميع الحلقات على اعجابك واعجاب اعضاء المنتدى

يوميااات عبيد ،،،،،،،سوف تكون قصص قصيرة رائــعة اوالجواب باين من عنواااااااااااانـة


اخي علي ،،، اعجبتني هذه القصة الطريفة وابتسمت وضحكت من قلبي وأناء اقرائهااا


فالقد استطعت أت تصور لنا القصة وتجسد الشخصيات بكل دقة وكل حركة,


اخي علي ،، وااااصل على هذا التألق والتميز في كتاابة القصة


تمنيااتي لك في مستقبل مشرق بإذن الله تعاالي

في نتظاار يومياات عبيد ،،،،،،،،،، داااائمااا

لك خاالص تقديري وشكري

النـــــــــجلاء

الله يعطيك العافية

شكرالك على الطرح

الف شكر لجميع من شرفني بقراة القصه وان شاء الله الحلقه القادمه احلى مع عبيد