معلث المقوعي يمدح بني رشيد..

معلث المقوعي يمدح بني رشيد..



ويقول فيهاا:..




قال المقوعي قـدر الحـرف تقديـر..لاخيـر بالدنيـا ولــذة منـامـه
يامنيف عقب ربوعنا جت معاصيـر..والجو أشوفـه قـام يـذري كتامـه
يامنيف وين اللـي يجونـا مساييـر..أهل الشرف والطيب وأهل الشهامـة
أهل البيوت اللي عمدهـن كواسيـر.. ربعي اللي صارت علـىٌ الغرامـه
ماتقل بأرض الصور بنـو دواويـر..ولاتقـل شفـت بيوتهـم والجهامـه
توادعوا بالصـور واقفـوا مسافيـر..الله يوفقـهـم طـريـق السـلامـه
تشالعوا مـن عندنـا شلعـة الطيـر..صلف(ن) هواه وشاف فرخ الحمامه
بس العجـاج اقفيهـم لـه تثاويـر..مرباعهم جو(ن) كثيـر(ن) رمامـه
تلقى لهم بـارض الموشـم مقاطيـر..هاك الديار اللـي رفيـع(ن) مقامـه
مدهالهـم يـوم الليالـي مخاضيـر..إليا اشتبك عشب السهل مع خزامـه
أهـل بيوتـن مجمـع للخطاطـيـر..والضيف عصبـان المفطـح يدامـه
برفافهم تلقـى الأوجيـه المسافيـر..ودلالهم من حـب صنعـاء طعامـه
ونجر(ن) يصوت بالليال المعاسيـر..ونار(ن) ينـادي للطرقـي شعامـه
ندعـي لهـم بمكبـرات المزابيـر..غر(ن)على صفر المخيـط انهشامـه
غر(ن) هللهن فـوق لابـة زبيعيـر..منه المخيـط يشيـل راس العدامـة
وتضفي على نجد المزون الشخاتيـر..وراع الغنم والبـل يطـش المسامـة
ياخذ سنه ما شد يجمع مـن الخيـر..ويمضي زمانه مارحل عقـب قامـه
وتخضر ديـار مدلهيـن المعاشيـر..بني رشيـد اللـي حكـو بالقوامـه
بني رشيد اليـا اعتمـن المشاويـر..وصارت على من شار فيها ملامـه
وصاح الصياح وقيل ماانتم على خير..مير افزعوا وخذ الدبش مـع خيامـه
وقالوا ترى قوم الدبش حرب ومطير..ربع(ن) على الردات يعجب نظامـه
يبـون اباعركـم وخـز العاشـيـر..وضارين لأخذ اللي ردوم(ن) سنامه
لحقوا على شهب(ن) واهلهن مناعير..وحمي الطراد وصار عند الجهامـة
وتعاطبـوا بالفعـل عنـد الغاتيـر..وكلن جرد سيف الفرح من إلجامـه
ولجن بنات البدو حـدر المقاصيـر..وقبقب شراع العـز عقـب انهدامـه
واقفت نحور الخيـل عنهـم مدابيـر..وكل اجلج(ن) فاخت هدفه ومرامـه
هـاذي عوايدهـم تفـك المظاهيـر..لاطار ستر اللي جديـد(ن) وشامـه
ربعي هل الـردات مابـه معاذيـر..بني رشيـد عـزات منهـم عمامـه
وربعي اليا نامووا بحدب المناظيـر..كـم واحـد بالكـون بتـو حزامـه
اليا عودو قفـوا المتلـي صوابيـر..وصارت على من شار فيهـا ندامـه
مركاضهم يشبع به السبـع والطيـر..والضبعة العرجـاء تغـز العلامـه
صيـارم يـوم الملاقـا سواعـيـر..والعمر يهدونـه لمـن كـان سامـه
ومن قال حنا أطيب فهو ماعمل خير..يظلـم نصيبـه والقبايـل اكعامـه
الناس مثل النـاس مشـاي ومغيـر..وكـلٍ علـى حـده وكلـن بزامـه
والفعـل ماخـلاه عـرارلعمـيـر..وذيـاب ماقنعـس لشلفـاء سلامـه
هذا المثـل والنـاس تمثيلهـم غيـر..والعيـب باللـي مايثمـن كـلامـه
ماحـط بالقيفـان كـذب ومعاييـر..والصدق صابـون الفـؤاد وختامـه
وصلوا على اللي حج مكـة بتكبيـر..نبينـا اللـي شـرف الله مقـامـه

صح السااان شاعرها قصيده جزله ورائعه
الف شكر ع النقل الرااقي
دمت بخييير

صح السان الشاعر

شكرا لك على الطرح

صح لسانك ومشكور اخوي..