قال تقدر على الفرقا ؟؟

[poem=font="arial,7,white,bold,normal" bkcolor="transparent" bkimage="backgrounds/38.gif" border="double,10,black" type=0 line=0 align=center use=ex num="0,black""]
قال تقدر على الفرقا و قطع الوصال؟=لا تشاهد عيون و لا يناجيك صوت!
قلت انا لا فقدتك ليلة من الليال=و الله اني قبل لا ترجع احيا و اموت
كيف عاد المفارق يا فريد الجمال؟=هذي أكبر مصيبة ما عليها سكوت
ما بنينا المحبة فوق جرف ٍ هيال=و لا اعتمدنا على ما تنسج العنكبوت
يا مجالي ليا ضاق الفضا و المجال=يا عبير القصايد نادرات البيوت
يا بعد كل من حرك لسانه و قال=كلمة ٍ عن لسان اهل الهوى ما تفوت
المشاعر متى ما غبت قالت تعال=بعدك النفس ما يهنا لها كل قوت
درب لقياك جنة باردة بالظلال=و درب فرقاك نار تذوب فيها السبوت
اشهد ان اللقا ينقذ من الموت حال=و اشهد ان الموادع فيه سكرات موت
[/poem]

كلمات / معيبد الرشيدي .

صح السانكاخوي الغالي الشاعر معيبد
صراحه قصيده وافيه ولاهي غريبه على شاعر جزل مثلك يالغالي

المشاعـر متـى مـا غبـت قـالـت تـعـال****بعـدك النفـس مـا يهنـا لهـا كـل قــوت

تحياتي حب الغموض

الشاعر معيبد بن شعبان المهيمزي

دائمآ الجميل لاياتي إلا بالجميل

صح الله لسانك مليون ولايسدون

شاعر مبدع ... نزف جميل .. احساس مرهف ... احرف سلسه على القارىء

قصيدة استمتعت في قراءتها

زدنا من ماعطاكـ الرحمن

لك ارق تحيه

اخوي العزيز معيبد التحيه موصوله لك على هذي الشامخه


تقبل مروري ولك الأحترام دمت بخير

فهد المهيمزي

صح بدنك ، مشكور على الاطراء و المرور الرائع ،


تحيتي العطرة لك .

مديرنا الفاضل / فلاح المهيمزي

صح بدنك يا الغالي و لا هنت ،
شكرا على كلماتك الراقية كـ رقيك ،
الموضوع منوّر بـ وجودك ،

تحيتي لك .

المشاعـر متـى مـا غبـت قـالـت تـعـال ==بعـدك النفـس مـا يهنـا لهـا كـل قــوت
درب لـقـيـاك جـنــة بـــاردة بـالـظــلال ==و درب فرقاك نار تذوب فيها السبوت
اشهـد ان اللقـا ينقـذ مـن المـوت حـال== و اشهد ان الموادع فيه سكرات موت

الشاعر معيبد صح لسانك على الابيات الجزله
من شاعر جزل