ينجرح قلب لكن ترتفع هامه

ينجرح قلب.. لكن ترتفـع هامـه =والله اني لاموت ولاانحني راسـي
لو رماني زمانـي وسط..دوامـه =العواصف شديده .. والجبل راسي
أنقل الحزن وامشي منتصب قامـه=قاسي الوقت .. لكني بعـد قاسـي
واسمع الحلم يصرخ لحظه اعدامه=رابط الجاش ... ماهز الخبر باسي
عزتي غاليه ..والنـاس سوامـه =قلت ماابيع حتى تقطـع انفاسـي
زانت ايام عمري .. شانت ايامـه=مارجيت العزى من رحمة الناسـي
من عجز لايدوس الهـم باقدامـه=لازم انـه مـع الايـام ينداسـي
يندمل جرح قلبٍ ..ماتت احلامـه=بس ما اظن يبرى جرح الاحساسي
يوم صارت مابين القلب والهامـه=وش ابي بالحياة الياانحنى راسـي


الشاعر المعروف\ مساعد الرشيدي

عزتي غاليه ..والنـاس سوامـه =قلت ماابيع حتى تقطـع انفاسـي


صلاح مشعـــــان صح لســـــان قايلها وسلمت يد ناقلها يعطيك العافيه

ينجرح قلب.. لكن ترتفـع هامـه =والله اني لاموت ولاانحني راسـي

صلاح مشعان

سلمت يمينك على النقل الرائع لقصيدة الشاعر الكبير / مساعد الرشيدي و التي تتجلى بها صور الشموخ و العزة و الكبرياااااااااااء ،

تحياتي .

أنقل الحزن وامشي منتصب قامـه=قاسي الوقت .. لكني بعـد قاسـي


روعه يسلم ذووقك
ويسلم قايلها..

يمــــ دروبي ــــك..

صلاح مشعـــــان صح لســـــان قايلها وسلمت يد ناقلها يعطيك الف العافيه
تحياتي لك