،،ياحمود سآمحني وآنآ آخوك يآحمود::مآقدر آرشحك وآترك تهآني،،

*بسم الله الرحمن الرحيم*..


هذى القصيده*لشاعر (نآجح العنزي)..

بمناسبه السماح للمراءه با المشاركه با اﻻ‌نتخابات وترشيح انفسهآ..

اترككم مع قائل القصيده ومناسبة قوله لها...
...


بعد ماصدر قرار الملك بنص ساعه*..
اتصل عليه واحد من اخوياي اسمه (حمود ) ..ويعزمني على العشاء*،،

قلت وش المناسبه , قال يارجال حفله على شان ترشيحي ونبغي الحضور*
قلت ان شاء الله انك تفوز يابو خالد, وبعدها كتبت القصيده.. :


.....

ياحمود سامحني وانا أخوك يا حمود
ماقدر ارشحك واترك تهاني

غالي يابو خالد وﻻ‌كن لك حدود*
مابغاك تزعل حط نفسك مكاني*

لو شفتها ياحمود وعيونها السود
تقول ياربي وش الي بﻼ‌ني

ماشفتها صورتها قبل صورة نجود
غطت على صورة منار واماني

ابغى اصوت وارجع اصوت بزود
يمكن يحسبونه لها صوت ثاني

ياحمود ماتلقى اكثر الناس موجود
(لو الملك اصدر قرار زماني )

ويحمود سامحني على كل منقود
وخلك معي رشح اسيل ورزانــي*
...