سحر الحدايق

أخواني في موقع عزوتي وأبناء عمّي موقع المهامزه الرسمي إدارة , مراقبين , مشرفين ,أعضاء,أسعد الله مسائكم بكل خير وكل عام وأنتم بخير , كان لابد لي ان اكون متواجد معكم من قبل ,ولكن مني العذر ومنكم السماح , أنا كلّي لكم وأوعدكم بقصيدة خاصّة في هذا الكيان الشامخ برجاله , وإليكم هذا النص الجديد, واعتبروه عيّدية منتدانا العامر .



[poem=font="simplified arabic,6,teal,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
سحر الحدايق سرّ مايعدلـه سـرّ=وبستان بابل سرّ سحر الحدايـق
لو السماء قطر ولو الغصن مخضرّ=لاالقطر شايقني ولا الغصن شايق
واجرّ قلبي جـرّ سرحـان لاجـرّ=بعد على نـزل الفريقيـن وايـق
طاوي ثلاث ايام والرابع اضطـرّ=حوّل بعد ضاقت عليـه الطرايـق
يوم الشفق مع غيبة الشمس محمرّ=والريح ذاريهـا يهـزّ الشنايـق
اقبل يطلّ ولا وجـد شـيّء يسـرّ=الا المراح وماسقط مـن علايـق
أردف بصوت يجمع الغبن والمـرّ=بيّح مكانيـن الصـدور الغلايـق
ياطارق الغفوه علىبالك ان مـرّ=طرفي تجّمل بـه ومـرّه دقايـق
عيّت مراتيعك على اهدابـي تقـرّ=حولين من دونك تحـول العوايـق
وجه الفرح شاحب بعيني ومسمـرّ=ماكنه الا يعيـش عيشـة رقايـق
والضيقه اللي كانت تضيق بالبـرّ=اليوم صارالبرّمنهـامتضايـق
ونـاالعديـم اللـي لياكـرّ مافـرّ=عجزت اروق بوقت ماهو برايـق
بامكاني آقف في حلوق العـدا زرّ=وبامكاني اشعلها عليهـم حرايـق
لكنّ وش لي في هل الحلب والصرّ=عمر القيـادي مالتفـت للّحايـق
آقف بنقطه تفصل البـرد والحـرّ=وانقل صوابي والجروح العتايـق
واعيش رافع راس حرّ ولـد حـرّ=مانزّلـه بـوم يـغـطّ النعـايـق
تكبرّ في عيني صغايـر وتصغـرّ=كبايـر بظـل انكشـاف الحقايـق
لله يــاورد الـنّــدى درك ودرّ=عروقي اللي من غرامك غدايـق
فيك الفرح والحزن والخير والشرّ=مخلوق لكن غيـر كـل الخلايق
[/poem]