الطبيب

من الأرشيف

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
زرت الطبيب وقلت انا انسان مخنوق=القلب موجعنـي وش الـي جرالـه
ابغى علاجٍ يبري الجـرح وافـوق=واعيش باقي العمـر كلـه سهالـه
شيعت قلبي حصلـو فيـه مخلـوق=مخلوق عايش وسـط قلبـي لحالـه
قالو:توكـل قفـل البـاب بـرفـوق=ياخـي تـرى قلبـك يبيلـه إزالـه
مال الهوى حلٍ ولا عـلاج موثـوق=ولو رحت [لندن] فـالطريقه محالـه
قلت:الهوى نكبه وانا ممتلـي شـوق=والهم عانـد ليـن حصـل مجالـه
وروحت كني طالبٍ حـق مسـروق=ورجعت خايب مـن كـلام العدالـه
لو للقلوب اسواق لـاروح لـالسوق=وابيع قلبـي واشتـري لـي بدالـه
وارتاح من همي ومـن بعـده اذوق=طعم السعـاده والهـوى مـا ننالـه
او ليتني اسلأ عـن الحـب واروق=وابعد عن دروب الهـوى والهبالـه
يا اهل الهوى قلبي مجرح ومفتـوق=وياكثر ما اعلـن بالغـرام اعتزالـه
قولو لحبيبي جيت له طالب حقـوق=يرجـع عليـه لا يشـح بوصـالـه
[/poem]