بسمه الشعر ينسب

جرس موسيقى خافقي قام يلعب
يوم المشاعر ترتقص في وريده

يمشي معى الموال والحس يتعب
ويصور حروف العنى فالقصيده

امست شياطينه على طول تركب
هامت خياله لين تنفذ وعيده

مشاعره صارة على طول تنصب
كم دمع في عينه تزايد وقيده

ابحر به الموضوع حتى به اسهب
واقفت به الفكره بلحظه سديده

في كل حين يقول ذا الموعد انسب
حتى فقد سرج المطيه من ايده

تظرب طواريقه لما هاجسه هب
ويغرد بصوت الخصال الحميده

كل المعاني في حناياه تطرب
حتى يهل اخر معاني جديده

شاعر تفرعن لكن يهيم لاحب
كل المشاعر بالوله تستعيده

يهل وبل الشوق لين يترسب
ويفك عقدات اللسان العنيده

صا ر الشعر بسمه على طول ينسب
حتى توفى في ضميره نشيده

ناصر على كل المعاني تركب
واسدل شعاراته بجمله مفيده