لاغفت عيني ولا ذقت شي مشتهيه

ياوجودي كل ما هب نسناس الشمال
وجد من حده زمانه على اللي مايبيه
وياوجودي كل ما اضحيت ومال الظلال
لا غفت عيني ولا ذقت شي مشتهيه
وجد من قفى وهو في رجا كلمه تعال
والتفت عقب ما اقفى ولا احد لد فيه
وياعذابي لا دنا الليل من روس الجبال
وانتهى يوم من العمر ماعاد ارتجيه
ياغناتي لاتحسبين يوم دمعي سال
ضعف والا خوف والا كذا والا كذيه
والله اني من رجال يضدون الرجال
لكن الحظ الردي ساق دمعي كلبيه
والله اني كل مادار حواليك الجدال
قمت كن الموت يشر على قبري بيديه
والله ان قد لي وانا اصد لا جا لي مجال
صده الذي لا تضايق تذكر قبر اخيه
ومن سألني قلت ما ادري واذا عاد السؤال
قلت له تكفى سؤالك ترى ماهو وجيه
وش تبيني اقول عمن ترى ذبحي حلال