ياعيد انا من كثر ماعض الابهام.لابن شلال

اقتباس:
المشاركة الأصلية كتبت بواسطة ابن شلال
[poem=font="simplified arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياعيد انا من كثر ماعض الابهام=من الندم وقف عن العرق دمه
على زمان العام واللي ورا العام=هاز الندم ياعيد قلبي وخمه
سجيت مدري وش ورا سود الأيام=تسوقني نفسي على كل يمه
حتى عرفت ان الولع طير حوام=يورد الظامي على غير جمه
والناس تاقف صف وقلوبها اقسام=ياعيد محد ن هم غيره يهمه
الوقت ذا مابه خوال ن ولا اعمام= عز الفتى هو ماله اللي يلمه
ان زاد ماله زان له سير الأقدام=وان قل طاح ولا لقى من يزمه
حاربته الأمه مثل حرب صدام= واليا سرق ماللأثر من يدمه
اليا رقد حظك قطف عنك الأنسام=ماينفعك شم الهوى لو تشمه
وان سار معك الحظ قدام قدام=انقد منادي الطير بأسمه وسمه
ياعيد انا قاري وكاتب ورسام=واحل وافهم بالأمور المهمه
رفعت صوت الحق بالشرق والشام=والحق سكر مسمعه في معمه
آخر زمان الظلم هو سيد الاحكام=يحكم على القاضي وحكمة بكمه
ومن العشى مايحرم الصقرغشام=الا اللذي لامن نوى شاور امه
وان قلت وان ماقلت منلام منلام=لكن بسكت قبل اجيب المطمه
[/poem]




ابن شلال
استميحك عذراً بتنسيق هذه الديمومه الممطره
وصح لسانك واعتلا شانك
قصيده تكتب بماء الذهب موشحة بعقود من الألماس واللؤلؤ
تعانق النجوم بمعانقة شاعرها الراقي
وتستاهل التقييم أنت ودرتك الثمينه وبجداره
تقبل مروري المتواضع وفائق إحترامي وجل تقديري
دمت بألف خير وصحة وسلامة