سحر النصر ومعيض | شارعك اضاءاته ,دواء ضيق الصدر

السلام عليكم ورحمة الله وبركاته


قصيدة تعبر عن نفسها وان شاء الله انها تعطي انطباع شعري حسن بذائقتكم






[poem=font="Arial,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ب البيوت , ارسم من البوح الصور = يوم اوصلت , بين المشايخ والامام
تاج الملك فِكك, بعد سحر النصر=و معيض, كان المستفيد من الخصام
الشاعر احيان يتجاوز بك , عمر= والشاعر احيان يتجاوزه , الغلام
.من جاء يشط البيد بـ امواج البحر=لين السماء تله على روح الغمام!
كم جرد الهاجس من قيود السهر=وكم قيد الصحوة على السهرة ونام
وكم جاء يتل الموج بأغضان الشجر=لين التعب زله ,على تل المنام
ويوم افرد المفرود عن ذود الظفر= ودهت له قبل ألتفت له ب استلام
ويوم اقفتّ العير وتعب منها السفر= ارهيت من زمزم على البيت الحرام
ومن عاقر الشاعر زجاجات الخمر= أرهى على دعواه في بيت الحرام
كم قلب ايدينه , و كم عودَ ظهر=من حامي بيوته, جليدٍ لـ الغرام
يا واردٍ من بير معناك.. ل بحر=اشرح نظامك , وانت خبرة بالنظام
فيك الكلام يسيح من غرشة عطر=والحرف , يتنفس بيوتك ب احترام
شاعر ومتفرعن, و نقوه من كثر=وعلى الصعيد العالمي , لك لام سام
شاعر خطير , وشاعرٍ علة نحر=وشعرك , ما يلحقه الملامة والملام
انت الملك , قدام من يملك بصر=متواضع , وملبوسك المعروف خام
من الترف لك , ترف خادم بالقصر=وعند الشدايد , ملبسك يقصر شمام
شاعر وصلت , اول كلامي بالشعر=وعودت , تشرح تالي الشعر بـ كلام
شارعك اضاءاته ,دواء ضيق الصدر=لا صار لك بـ الليل ,جولة بالزحام
جعلك تجي وتروح , سالم لا ضجر= يا قارع الكأس, بـ دجى سكرة مدام
بـ ثملة طويتك نجم , طاح لي القمر=واتمدد اظلالي على الدنيا ..و هام
ورحبّ هلا والدمعة بـ نصف الشهر= تذرف من عيون الثريا مع الظلام
عن صبح دافئ ينحني ظله ,عصر=وعن شرقه البارد جلس غربه وقام
يدحم غموض الشرد, و أتقدم شبر = لين يهوي , فيت المعاني لـ المرام
صافي بها واحد من الخمسة عشر=بين السلام وبين يـَ عــــــليه السلام
والمنطق السامي, على النية حضر= عند انطلاقه , في نطاق الارتطام
الشعر من داني , رفيع وله قدر= واللي يلي بالمختصر , ما به كلام
مادام, ما به والدين ٍ لـ الشعر=يصبح يتيم , و يكفله مسك الختام
لو قلت أبو قال لك ابا , وجهة نظر= يلقي السلام , إلين ما ارد السلام
رديت تسليمتك , مدفوعة لأجر=برسالةٍ مربوطة, بـ ساق الحمام
سلامة وصولك ,كلامي بالنثر=وسلامة استقبالك ,الشعر بـ كلام
يوم اعتذرت و كنت لاجي لـ الصبر!=والحظ عشى فيك, من عامٍ لعام
روح الغراب ,بغربة ارواح البشر=فيها رجاء, فيها ضجر, فيها انهزام
لا تلتمس عذر, ابشر ابشر في عذر=ينكف منه ما يكتنفك , ب بيت هام
الشاعر, ان ضحى ّ وعيدّ , بالشعر=يؤسف لا صار بوضع, ما هو بـ التمام
وقبل الختام , اللي على بالي خطر= عبرّت عنه , بخارج حدود المقام
ما افهم خطأ, من هامشك والمختصر = وأفصل عن الدائم , نمو المستدام
اخاف ربي واطلبه سر وجهر = ما يفهم المخطئ خطأ ,, فهم العوام
من يختبر فهمك , بعقل المختبر= ينجح بعد ما تعيد له , عشرين عام!
انا ادري الوافين لي, حروة عشر = صفوا من المسح الروتيني, بالصيام
ولا ودي اجري مسح , والقاهم صفر = و انا وحيد , ويخلف الوقت الرحام
طعنة خوي, اشد من طعنة ظهر= لو خنجر الوافين , بعض احيان سام
اخشى من الشيطان , يجمعهم لـ امر = واخشى من الدنيا , و مكر الانقسام
ابيات عدت , وان تعدت لا تمر = سود النوايا , وان مشت فوق الرخام
بيض النوايا, توصلك معنى الشعر = و متن الثقة , يعطيك لفتة واهتمام
تمت وتم , اللي على بالي عبر = ولا امدى اكتب الا خارج حدود المقام.
نقطة. و توقيعي يسار آخر سطر=سليم منطق , مسلم وينطق سلام..
اعرفني احيان بـ تحدوه البشر = واحياناً اجهلني بعد حسن الختام!
[/poem]

نقطة.
وتوقيعي يسار , آخر سطر

سليم منطق, مسلم, وينطق سلاااااااام !
تحدوه البشر