قصة مستشفى عرقه مثيره منقول

بسم الله الرحمن الرحيم
السلام عليكم ورحمة الله وبركاته

بدايه احب نرجع لتاريخ هذا المستشفى والذي تاسس عام 1400



وخدم لمده 12 سنه



ومع نهايه حرب الخليج جاء اخوان الكويتين وسكنو فيه يرجع هذا المستشفى من اكبر المستشفيات في الرياض في ما مضى



اما الان مشهور هذا المستشفى باسم(مستشفى عرقه المهجور)




حيث ان كثير من الناس يضنون ان يسكن هذا المستشفى (جن)




في الاوانه الاخير سمعنا قصص كثيره عن المستشفى وكل شخص يقول كذا وكذا وكذ وكذا




بصراحه مع تجربتي الشخصيه والذي دامت



سنه كامله




مع الاصدقاء ماشفت شي الى الااان




ولكن سمعت اشياء من (صراخ)واشياء تتحرك وراي يوم التفت لها ما اشوف شي ولكن دايم احس الصوت قريب وحبي لدخول هذا المستشفى لاني من عشاق الاشياء المرعبه مع ان ما صارلي اي موقف هناك ولكن صراحه الاجواء الي داخل المستشفى اشياء مرعبه لدرجه ان مافي اصوات وهدواء الذي يسبق العاصفه وهي الي يخليك تتحمس لدخول المستشفى وحب الاستكشاف احب اذكر لكم كم موقف صار معي داخل المستشفى




مره



انا



وعدد من الاصدقاء




دخلنا للمستشفى الساعه(2:30) اليل




ورحنا وتمشينا وخلصنا كل الادوار من ضحك وناسه




افترقنا حنا وشباب لمجموعتين



بحيث انا و 3 من الاصدقاء لحالنا




والباقين وعددهم6 لحالهم




فرفرنا وتمشينا وطيحنا الي بروسنا




يوم وصلنا لدور الثاني في سيب (ممر)طويل شوي




وحنا نمشي نسمع صوت خرفشه رجول ورانا




حنا حسبناهم اخويانا يبون يخوفونا




ولكن في هذا الدور شفنا اصدقائنا مع الدريشه جالسين برا المستشفى




وحنا كلنا جتنا ام الركب



المهم كملنا مشي وحنا نمشي في باب حمام اعزكم الله قدامنا بشوي فتح الباب وكان احد فتحه



وشوي الا يوم قربنا من الباب الا صوت صرخه وتقفل الباب اقوى شي يمكن في الحياه الصوت تسكير الباب وسرعته حسيت ان الباب يبي يطيح المهم حنا يوم شفنا اخويانا برا قلنا اكيد هذولي ناس ما نعرفهم يبون يخوفنا وشوي الا يوم فتحنا باب الحمام ودخلنا مافي(احد)



هنا وقفنا حنا وشباب نحاول نستنتج الي صار



وحنا جالسين نفكر وش الي صار بضبط في واحد من الشباب كان يناظر جهه الباب شوي الا جسمه يرتجف بل كامل ولاحظنا الرجفه وحنا نقول يا(فلان وشفيك)يا فلان وشفيك كان ياشر على الباب ودموعه على خده كانها مويه تمشي بوجهه المهم ناظرنا على الباب ما شفنا شي وخوينا جالس يبكي المهم طلعنا براء بلعانه عشان خوينا ما رضى يمشي من الخوف وكل شوي يشيله واحد من العيال المهم يوم طلعنا وجبنا مويه وهديناه وذكر الله قال اقسم بالله يوم ناظرت جهه الباب الي في رجال لابس اسود عينه بعيني انا عادي حسبته واحد من الي داخلين من الناس ولكن يوم اختفى قدامي كانه سراب كان شفت شبح





(ملاحظه:انا بنسبه لي ما شفت شي ولكن وجهه خويي كان يدل انه شاف شي قدامه قدامه ولا اتوقع انه كان يمزح)




المهم




انا واحد من العيال قلنا بنرجع نشوف وندور




قالو الي معنا حنا مو داخلين وقدحنا انا وخويي الثاني وشوي الا لحقنا الثالث واحد زياده




صار عددنا الحين 3




المهم دخلنا المستشفى بدور الثاني وحنا نمشي ندور الا هذا الحمام الي كنا قبل شوي قدامنا على طول والباب مسكر




طبعا محد عطاه اهميه



صار باب الحمام اعزكم الله جمبنا يوم تعديناه الا هذا صوت الصرخه نفس الي سمعنها وصوت صفقه الباب نفس الي سمعناه




وهنا بدينا وشكينا في الوضع انا ركضت اسرع ماعندي متجه يم الحمام اعزكم الله وخويي لحقوني وفتحت باب الحمام بقوه وما شفت شي شوي الا جمب الحمام اعزكم الله في غرفتين سمعنا صوت الصرخه من الغرفه الي جمبنا ونركض ونروح يمها مافي شي المهم تعوذنا من الشيطان ووذكرنا الله وقرينا المعوذات نبي نطلع انا وخويي الثلاثه الا شوي اسمع صوت خرفشه رجول وراي والتفت ورا انا وخويي مافي شي قلت لخويي سمعتو الي سمعته قال (صوت الارجول الي تمشي ورا) قلت ايه



قال خويي الحمد لله حسبت نفسي اتوهم ولكن الحمد لله دام كلكم سمعتوه المهم وحنا نكمل مشي نسمع صوت رجول من بعيد كانه شخص يركض قال خويي تدرون يا شباب حطو رجولكم ودزو واذا حسيتو الصوت قريب نوقف وناظر ورا كلنا ونقدح لو كان ما كان المهم ركضنا بشويش وفعلاً الصوت قرب وصوت اكثر من شخص يركض الا شوي التفنا ورا الا انشوف شي ابيض يركض وقفنا انا وشباب نبي نشوف هذولي وش الا شوي واحد عاض ثوبه بسنانه ويشطفنا وهو ماشي ترليون احلف بالله لو انه صدمني وهو يركض على سرعته هذي اني ابي اطيح 5 متر قدام




المهم الا شوي الثاني يركض وراه ونركض وراهم نبي نطرحه طبعاً واحد من العيال الي معي سريع مره وشوي الا يمسك واحد منهم وشعره من اليمين ابيض وهو توه شباب عمره تقريباً 20



المهم الثاني هرب والا شوي يجي واحد ثالث طالع من المستشفى ويركض لنا وقال ابعدو عنه قلنا له وش السالفه وش فيكم بضبط




قال اصبر بشوف خويي




المهم هدينا خويه وحالتنا حاله الين ما هداء تقريباً من الساعه 3 الفجر الين 7 الصبح وحنا نحاول نهديه المهم هداء وعلمنا سالفته