ششنو البيت الذي تردده اذا ضآق صدرك ؟؟ ~

ي تركي*حالي تردى من بعد فرقـا الحبيـب
اختفى ماعاد جاني منـه حـس ولا خبـر*
غاب عني له حدود العام وغيابـه عجيـب
والسبب مامن سبب حتى يغيب عن النظـر*
والظنون اكثار والدعوى هوت وسط القليب
واختفت في قاعها من دون لاتتـرك أثـر*
والهجوس تشب نار الهم فالصدر العطيـب
وامنعتني عن منام اليـل بادمـان السهـر*
وذكريات ٍ لا لفتني عذبت قلـب ٍ صويـب
تطري ايام المحبه واحسـن ايـام العمـر*
صار عيشي عقب فقده سلمان كئيـب
والصبر برده شديد ولا على بـرده صبـر*
غاب عن عيني لكن ماهوب عن بالي يغيب
صعب انا انسا من هويته لو غدا بعده دهر*
والمحبه ماعرف مضمونها غيـر اللبيـب
ماهو بحب المصالح يوم واسبـوع وشهـر*
علموه اني احبـه كـان فرقنـا النصيـب
لاجل ماينسى محب ٍ فـي حبيبـه ماغـدر*
وعلموه اني مريض الحب وعلاجه صعيب
والعلاج اني اشوفـه قبـل مدخـال القبـر*
وياتركي ماللصحيب الا مواقيـف الصحيـب
لاتردد فالرسالـه كـان محبوبـي حضـر*