يـــــالله من فـــــوق خلقــــك تعـــــــليت

يـــــالله من فـــــوق خلقــــك تعـــــــليت

عالعـرش الأعلى فوق سبع السـمــاوات
الأمر أمـــرك كلــما خذت واعطيـــــت

والخـلق في رجواك فرد وجمــاعـــــات
وأنــــا ولا لحظة برحمتـــــك شكــــيت

لأن البنــــــــادم مقــتـــرن بالهفـــــوات
والخـــــافق اللي جــــرحته التناهــــيت

لا زال يهــــذي بالرجــــا والدعـــــوات
فيــــك الأمل ما خـــاب ياحامي البيـــت

ولا حكايتــــــنا تراهــــــــا حكايــــــات
في ماضي الأيام يـــامـــا تغنيــــــــــت

بافراح وأحزان وحاجـــــات ما جــــات
كـــــم ليلة من كـــاس الأفراح رويـــت

ضمـــا عروق عذبتـــــها المسافـــــــات
والله كــم ليل من الحــــزن ونــيــــــــت

كنــــي غريـــب بيـــن قــــــوم عداوات
أحيـــــان أحــس إني بعمري تهنيـــــت

وأحيـــان أحــس إنــها مجـــرد تفاهـات
كنــي على ماقيل لارحـــت لا جيــــت

ولا انكتـــب باسمـــي شيـــوخ ورايــات
ولا بفنجـــــال المكــــــارم تقهويــــــت

ولا كتبت لصاحبي بضعة أبيـــــــــــات
دنيــا تلاعبنـــــا على كــف عفريـــــت

حــــالات ترضــــينا ولكــــن حــــالات
تخـــلف حساباتك عن اللـــي تمنيــــــت

وتثير في نفســــك كثير إنعكـاســـــــات
وتحاصرك في مصطلح يا ليـت يا ليـت

وليت ما تنفع إذا فـــــات مــــافــــــــات
يـــا من أحس إني جهلــت وتعديـــــــت

يا ما أرتكبت من الخطــــا والحمــاقـات
اذا تملكــــت المواقـــف تجريــــــــــــت

أحســب حسابـــات واضيع حســابــــات
واذا حداني الوقت شمـــت وتعصيــــت

تكــبر براســي نزعــة الـــذات بالــذات
وإذا هديـــــت ويمــــة الخــــير نويـــت

لقيــت من يعكــــس علــي المســــارات
فالعــذر ياصاحبي على كل ما خطيـــت

وإذا سمحــتوا فأنتـــم أهــل الجمــــالات
لانا بشـــر والفـــرق فــرق المواقيــــت

السهـــل عدا لك الخــــوف مـــــــــالآت
يــاكم محطــات من العمــــر عديــــــت

والله يعلــــم كــم بقــي من محطـــــــات
كم شلــــت من جــور الليالي وحطيـــت
يـــاهيه ياللــي فـــي وفـــانـــا تهقويـــت

والعـــمر مابين الرجــــا والمتاهــــــات
ترى وفانــــا ماتحــــــده مســــاحــــات
وبصحبــة أصحابي حاشــــا ما تزريـت

ابني محبتـــــهم بقلبـــــي عمــــــــارات
يكفــــي أحبــة قلبي إنـــه لهــم بيــــــت

وانـــــــي مشــــرع للمــــحبة قنـــــوات
ويكفيــــني أنــي من وفـــــاهم تبنيــــت

مواقـــــف تبقـــى علـــى الدهر شامـات
أصحابـــي اللي مدحـهم عالي الصيـــت

للطــــيب رمـــز وللمـــروءة مقــامـات
يـــا صديق ظني فيهم إن كان ظنيـــــت

بالخيــــر ولا غيـــر هيهــــات هيهـــات
لأن التسامـــي طبعهم كان عديـــــــــت

واش هي صفات وميزة ابنا الحمــولات
مــــن طيبـــهم طبنا وأنا ما توانيـــــــت

عمـــــا يبلغـــــهم علـــــو المنـــــارات
وأن كــــان مـــــا للطـــــيب جازيـــــت

شطب رصيدي من بنوك المـــرواءات
النــــاس مـــا تحتاج حـــي كما المـــيت

تحتـــاج راعي الطيب حتى ولو مــــات




تحياتي لكمـ ابن غازي