يمكن انك ماوفيتي يوم جيتي تعشقين

يمكن انك ماوفيتي يوم جيتي تعشقين
يمكن انك تحسبيني اتبعك من دون راي
يمكن انك ماعشقتي بس كنتي تلعبين
يمكن انك ماوصلتي في هواك لمستواي
يمكن انك ماعرفتي في الحقيقه وش تبين
ويمكن اني خنت نفسي يوم اعطيتك وفاي
علميني في الهوى ياجاهله وش تعرفين
تعرفين انك شي يجري في دماي
علميني في الهوى والتضحيه وش تفهمين
لعنبو حبك عشانه بعت اقرب اقرباي
كنت احطك في عيوني تسرحين وتمرحين
كنت اشيل هموم قلبك وارمي همومي وراي
كنت اطير من السعاده يوم اشوفك تضحكين
كنت اظنك قلب عاشق ماسكن وسطه سواي
ماوعيت إلا وانتي في خفوقي تطعنين
ماوعيت الا وسيفك في الحشا رايح وجاي
ورده انتي والله ورده بس عرفتي تجرحين
وكل شي فيني جريح الا فخامة كبرياي
ماتأثرت بغيابك في الشعر لو كلمتين
بكره انسى صدقيني وارجع بكامل قواي
ادري حنا اقترقنا بس ابفهم كلمتين
علميني وش كسبتي وعلميني وش خطاي