.(ِِ لو ألليالي حطمت كل الأحلام ** يبقى مقامك مثل ما كان راقي..

انـا أدري يا حبيبي مـن ورى عيني ( تخـون )

لا تظـن إنك مكـذب ..... لا تصدقـها : ظنونـك

ومن يقول إني أحب وقلبي عايش لك يصون ؟

انا مثلك يا حبيبي ( من ورى عينك أخونك )

هان قلبي في عيونك وهم بعد قلبك يهون

عشت أيامك بدوني .. وعشت أيامي بدونك

دامك تسمي الخيانه في ملفاتك جنون

فيني لك مليون جني كلهم صاروا يبونك

لا تسوي لي حكاية نون .. وما لا يعلمون

يعني عارف يعني فاهم وإنت ضايع وسط كونك

كيف أحبك ؟؟ ليه أحبك ؟؟ وإنت أصلا من تكون

شخص خاين والله باين .. حط عيني في عيونك

لا تمثل دور عاشق لا تقول إنك حنون

إنت قاسي .. إنت ناسي .. إسأل إللي يعرفونك

أو ترى يمكن يكونوا مثل قلبك يكذبون ؟

يذكرونك .. يفقدونك .. بالكذب هم يعشقونك

لا تصدقهم وتبكي وفي غيابك يضحكون

لا تأمنهم .. وإحذر قبل لا تبدي طعونك

والله باكر ما يفيدك لا بدى : وقت الطعون

يطعنونك وإنت شايف وإنت عايش يذبحونك

والمصيبة .. بعد موتك بالكذب هم يحزنون !

يدفنونك يكرمونك , وإلا يمكن يتركونك ؟؟

هي حياتك وإنت كيفك خون لو ودك تخون

بس إعرف شي واحد والله من خنته يخونك !!