ياويل حالي

هذه قصيدة اعجبتني وحبيت ان انقلها لكم


ياويل حالي يوم قفت وقفيت
............... والدمع يذرف والمشاعر حزينه

من عقبها ماشفت ولا توحيت
............... للجادل اللي فالضماير رهينه

من شانها ياما سهرت وتعنيت
............... وذقت المراره كلها لجل عينه

وياما لذيذ النوم عفته وصديت
............... ومن صدتي ياعبود شفت الغبينه

العام قلبي عايش (ن) ماهو بميت
.............. ومتهنيّ (ن) به وابـ وفاه وحنينه

واليوم يـــامـــا فــي غــيــابــه تــمــنــيــت
.............. يعالج جروح (ن) بقلبي دفينه

الـهــم والــحــرمـــان والفـكــر تـشـتــيت
.............. تجمعت والــحــال ربــي يــعــينـه

والعذل والحظ الردي يخرب البيت
.............. يحول بــيــن اثــنــيــن زيــنــه وشــينه

ايــام يــامــا فــي حــيــاتــي تــمــنــيــت
.............. يــالــيــتـهــا ترجع وترجع سنينه

الماضي اللي فيه عمري تسليت
.............. ولا شفت فيه الا حياة (ن) رزينه

( ياليت ماتنفع ولو قــلت يالــيــت
.............. مير الوكـــاد ان المشــاعرحزينه