البحور الزرق

السلام عليكم ورحمة الله وبركاته

ابناء عمومتى وعزوتى اعذرونى عن الاطاله والتأخير والمشاركات ولاكن من اليوم ان شاء الله اوافيكم بكل جديد وهذ قصيده لى بعنوان(البحور الزرق)
[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]




الـبحـور الـزرق جفـت والســفـن غـرقـت وطـاحت = و البـحور الـباقيه ماعـاد تـنـفع للســـباحه

ماســبح فيـها ياكــود العـالم اللي مـا اســتراحت = عالم ٍ طول الزمن تشكي ولا يلقون راحه

عالـــم ٍ بالـعـولــمة عـــلام تـــعـلم و اسـتـبـاحـت = استباحت مايهين النفس ياشين الوقــــاحه

وأنـت يـاللي ماتبـــيلك نـاس بالأســرار بـاحــت = ماتبا غـير الرجـال اللي يــعدون الصــراحه

جنـــبك ربك عـن اللـي بالخـــــطا لجت وصـاحت = عالــم ٍ مافيــهم اللي للــملا يعلن نـــجاحه

خــوف مـدري شئ ثانـي يــعلم الله ويـن راحـت = الظـنون اللي تشل الفـكر ماتطـلق ســراحه

الوكاد اقلــوبهم سـودا مــن أصل الحـقد فاحـت =و الحقود يضيق بالدنيا قبل ضيق المســاحه

والــنزيه اللي عــليه أيـامه مــن الغبن سـاحــت = يذكر الله في مساه ويذكر الله في صباحه

ماعــليه ولا يـــفكر لـو يـــشوف الـورق نـاحــت =الله اللي جـــمله وليا ابتلا صـبره اســـلاحه

ماشـكاها للبـــشر والحـــمد للمـــعبود زاحــــت = و أنتـهت رحـلة عذابه و أبتدا يثمر كــــفاحه

و أن سـألته قال أنا في خــير وظروفي تناحت = والبحور الزرق فيها السفن و رجال المـلاحه

والــبروق اللي خــطيرا ً تـــعمي الأبصار لاحت = والله اعـلم ويـن ماها طاح والدنـيا ســـياحه
[/poem]