يابو العيون

السلام عليكم ورحمة الله وبركاته

مما راق لي :

يابو العيون اللي هدبها مراييش ... يابو الدلع ياللي شفاياك ذبله
ياما على شانك نويت المطاريش ... وياما تبعتك شرق والناس جبله
واليوم جني شفت بالوضع تشويش ... شين مجمد للعلوم اتحسبله
وشعاد لو تزعل على الدراويش ... انا بدوين راح يتبع هوا ابله
جلد الرقاب اللي وبرها عكاريش ... لا ربعت قلبي يزين الطرب له
انزل بها في منزلن مابعد نيش ... روضن خضر عشبه اخزامه ونبله
في ليلة ياتي مطرها رشاريش ... هذا ربيع القلب عقبه وقبله
لاتحسبيني عقب فرقاك ماعيش ... من لاحسبلي عادتي ما احسبله
حتيش لو بينتي الصد حتيش ... ماني انا عنتر ولا انتي بعبله

للشاعر : سلطان بن وسام الهاجري

تحياتي