تنسيق محاورة / معيبد الرشيدي / وحجاج المهيمزي

[poem=font="arial,5,royalblue,normal,normal" bkcolor="transparent" bkimage="" border="none,5,gray" type=0 line=0 align=center use=ex num="0,black""]






حجاج المهيمزي


من شواطئ البحر لامنتهى بر الامان=ياسلام وكل سلعه تلاقي سوقها
لاحضر مفلح وحضرو معه كل الخوان=زان جو الملعبه واستوى طاروقها



معيبد الرشيدي




من هجوسٍ يشهد إبداعها طول الزمان=مرحبا ترحيبةٍ ما تضيع حقوقها
ان حضرنا نكسب الطيب في طيب المكان=و الرجال أهل المعرفة رفيعٍ ذوقها




حجاج المهيمزي


البقا والواحد اللي معه قلب ولسان=مايهمه صاحي القوم من مطفوقها
يامعيبد بعد ماجيت ذاك الامتحان=عينك من اللي لقت ماتريح موقها



معيبد الرشيدي



السما فيه الجدي لا يناش و لا يهان=ما درى عن عالمٍ ما تصك حلوقها
ما شقت عيني ما دمت اتخيّر بالسمان=و انت جيت القوم و أصبحت من مفهوقها



حجاج المهيمزي


والزحل من خلقته مايضربها الطمان=يوم بعض الناس نص العباد يبوقها
المهم ان مدتي مدة اطوال اليمان=مثل نو المزنه اللي تلوح بروقها


معيبد الرشيدي



الحقيقة نورها بان لشهود العيان=لا يهمك سارق الناس مع مسروقها
دام يا حجاج عندك على الدعوى ضمان=لا تنشدني عن غروبها و شروقها




حجاج المهيمزي



من يقول ان الاقامه تجي قبل الاذان=اعرف ان رجله على كل درب يسوقها
كنت احسب انك من القوم كساب الرهان=واكتشفت ان المراره بفمك تحوقها



معيبد الرشيدي


من يحسب حساب لفلان و فلان و فلان=حدته بقعا و صكت عليه سبوقها
انت يا الفارس يا راع المهند و الحصان=ويش ردك عن رهن منوتك يا شوقها


حجاج المهيمزي


اخذلك من مصدر العرف دلة زعفران=ثم تعرف ان كل قوه تحصل فوقها
كان انا سيفٍ مهند وغيري خيزران=ويش ابى في عالمٍ يابسات عروقها



معيبد الرشيدي



القهاوي بعضها يا عميلي ما يصان=نيّها بالحمس يحسب مثل محروقها
ما وراك الا اللواهيب يا العود الليان=عادة الأيام ما تستمر رفوقها










[/poem]