يا ساكن الروح

[poem=font="times new roman,6,white,bold,normal" bkcolor="transparent" bkimage="backgrounds/3.gif" border="double,5,silver" type=0 line=0 align=center use=ex num="0,black""]
يا ساكن الروح كيف تغيب عن بالي؟=و القلب ما فيه نبضة ما تنادي لك
ما تدري اني تخيلتك و انا سالي؟=و اكتب على ذكرك اشعاري و اغني لك
و ما تدري اني لو اني جالس لحالي=اتخيل انك معي تحكي و انا احكي لك
عيني بعينك و اشوفك واقف قبالي=و يديّ بيديك و اناجيك و اشكي لك
اشكي لك البعد و الحرمان يا الغالي=و صبري و لوعة معاناتي و شوقي لك
الشوق جمر لهب و الحب قتالي=متى تهيا لمحبوبك مواصيلك؟
دنياي في غيبتك ما عاد تحلا لي=فاقدك قلب ٍ جريح و عين تبكي لك
تعال لا تترك الاحزان تبقى لي=نور ليالي حياتي من قناديلك
خلك من الهم و اوهام الشقا خالي=ريح عيونك و لا تغرق مناديلك
عطني سهرك و عذابك يا بعد حالي=و انا اتحمل سهر ليلي على ليلك
ما يصير مثلك يعيش بجو غربالي=ما اطيق اشوفك تعذب من غرابيلك
و انت الحبيب القريب و غاية آمالي=اللي سكنت العيون اللي تراعي لك
ان جيت اوصفك ما توفيك الاقوالي=يغار منك القمر و يخاف يبدي لك
حلاك نادر و تضرب فيك الامثالي=و بحلو الاخلاق متفوق على جيلك
يا ليتني معك في حل ٍ و ترحالي=تقول لبيه و تنادي و البي لك
و يا ليت لي بالعيون السود منزالي=ارقد بعينك و تلحفني مظاليلك
ما تعشق الروح غيرك لو تهيا لي=و لا ينوي القلب نسيانك و تبديلك
[/poem]

كلمات / معيبد الرشيدي