اجمل تحيه للجميع

بين ضلمى الزمان وبين ضلم الجريح=تحت شمس ابتكارالملعنة والضلال
شامست مستعده والمدى مستريح=فوق يسرى الميال.. وتحت يمنى العدال
واسود الكذب بضيافة بياض الصحيح=سلسلة ضيع المعقول وقطع عقال
مثل حال الكسير اللي يون ويصيح=ان قعد حال كسره فيه ..وإن قام حال
وردة الفال سودا.. والمدابطن ريح=راسها بالجنوب وذيلها بالشمال
مشكلة حلها بالكذب نهره يسيح=بالمعادل يقال اوللمعادل يقال
تيهة أوهام منها الهايمة تستبيح=فجوة سنين عمر المغترب للنضال
خرمةٍ دون خرمة مارقعها النطيح=مارفتها خيوط وخيطها مستحال
ومارد الظامية غامض ..وعده شحيح=مايبل الكبود ولايسمى زلال
وأشهب القيض كذبه مايكب الوضيح=يغري النفس شوفه فوق جرد السهال
عيت أفراح سلمى تبتسم بالفليح=لين ماتت قلوب الطايفة بالسوال
عبرةٍ سرها مجهول ذم ومديح=ماتوارت وهي بقدومها للزوال
والخواتم على نية وقلبٍ نصيح=البعيدة هدد نظرة كرام السبال
والسوالف برمة زينها والقبيح=وضعها مع صريح الوضع ماله مجال
قلبٍ أملس على كف المآسي رجيح=جردت حضه البائس شحوب الليال
مايهمه يقوم الحض ولا يطيح=همه يعيش في دنياه مثل الحلال
لين تبحر بواخرها بشاط الفسيح=تفصخ الذل عنها مثل فصخ النعال
وقتها قابل الدنيا بوجهٍ فليح=اقض باقي حياتك بين روح وتعال
عمر سير القوافل ماثناه النبيح=والتوازن زنود معربين الخوال
قرن عدى وباقي مانصرنا ذبيح=فالبداية يغيب هلال يطلع هلال
وابتدى القرن الآخر والنضيح النضيح=عز حلم الصبور وطال صبر المحال
واصبح الذيب عقب عواه يضبح ضبيح=صار سرحان يضبح مثل صبح الثعال
أظعف الوقت قدره وامتثل له جريح=الزمن له معاويدٍ تهد الجبال

واتفه أسباب سلبيات سرع المطيح=التفرق عمود الميل والإنحلال

الله الله الله



صح الله لسااانك يابو سااااامي على هالحبكة الزاخرة الفاخرة




تيهة أوهام منها الهايمة تستبيح=فجوة سنين عمر المغترب للنضال




تيهة أوهام منها الهايمة تستبيح=فجوة سنين عمر المغترب للنضال




تيهة أوهام منها الهايمة تستبيح=فجوة سنين عمر المغترب للنضال






عدلت الأخطاء الإملائية وماقدرت انسقها ياليت المشرفين ينسقونها