قصيدة ابكت الشباب والبنات

يا بنت ارجوك انا مقدر كفاني ماضي الغلطات
اخاف الله يعذبني وانا خواف يا بنيه
واخاف ابساعه اللذه يجينا هادم اللذات
وياخذ من حشى جوفي بقايا روحي الحيه
أنا ليه ثمان سنين وانا مدمن على الشهوات
ديار الفسق حاستها مواطي تحت رجليه
عيوني من كبر همي تخلط الدم والعبرات
مسيل الدمع من عيني حفر بالماريه
صحيح انك جميله بس تبنى من هوى الزينات
تركنا الحب غصب وطوع للعين الشقاويه
يا بنت انتي على بالك اباخذ من بنات الشات
اجل مجنون انا يا بنت اشيل العقل بيديه
ترى اكبر شي يربطني معك جوال ابو شاشات
وهاتف ينقل اشواقي على نبرات سلكيه
ترى كل العلوم الي عطيتك بالهوى كذبات
وحتى دمعتي يوم الفراق الصعب كذبيه
هذاك اليوم ما هلت عيوني لجلك الدمعات
لان الدمع ما ينثر بقصة حب وهمية
انا اضحك منك واضحك عليك..... اكثر الضحكات
كاني في الهوى جني يعبي راس جنيه
يا بنت الناس عزك في سواد يستر العورات
وعزي في شماغ احمر وثوب ابيض وطاقيه
سعوديين نفخر في عبايات السعوديات
نغط الطرف اجلالا اذا شفنا السعوديه
وخليجين نفخر في عبايات الخليجات
نغط الطرف اجلالا اذا شفنا الخليجيه