دورات الأيـــــــــــــــام

صارت حياتي بالشقاء والهواجيس
وبديت افكر بالهموم العديده

دارت بي الايام خلف الكواليس
وعشت بتعاسه مع جروحا جديده

ورغم الهموم اللي تجيني مناكيس
صابر على حكم العذاب او عيده

راع الهوى يصبر ولو صبره تعيس
ويمشي دروبا في حياته عنيده

ومن قال ان الحب لعبه وترويس
عساه في جرح العذاب او صديده

ويصبر ضمن اللي يديهم مفاليس
ويصبح خطير بحكم دنيا شديده

هذي سواة الحب جرح او ساويس
وراع المحبه له دروبا بعيده

يسبح سحبه من نكب حظة ابليس
ويفيق مثل الطفل بايام عيده

وينلاع لوعاتن بليا مقاييس
ومن لوعة الرجال وجه قصيده

يشكي سواة الحب وغدر المناجيس
وحلول ترسم له حياه سعيده

يم الرجال الطيبين الضواريس
ويطلب سردا في حياته يفيده

يم الحزين وراجيا منه تاسيس
ويم الرجال بالليال السديده

فيدوا جريحا بالعيون المناعيس
وباقوابه اصحابا عطاهم وريده

وصارت له ايامه حلوم وكوابيس
والرجل بالوقفات فعله يجيده