قصيده بحفل المعايده

بسم الله الرحمن الرحيم

اليكم هذه القصيده سويتها بحفل المعايده ولاكن حصل ظرف بنفس اليوم ولم استطيع الحضور قدر الله وماشاء فعل والان اتشرف بان اكتبها في هاذا المنتدى الغالي ......واتمنى ان يقرى القصيده الشيخ بدر ابن سويلم ابن هديبان

[poem=font="simplified arabic,6,black,bold,italic" bkcolor="silver" bkimage="" border="outset,4,black" type=0 line=0 align=center use=ex num="0,black""]
في مجتمع ربعي وفي رابع العيد= وبحضور شيخان الشمل والقبيله
حيالله الحضار من دون تحديد=من كل دار وكل دم وفصيله
على الشحم ومبهرات البغاديد=وعلى دروب المرجله والجميله
اقولها نايب عن البدر وازيد=نايب عن اي مهيمزي ينتميله
شيخ مقامه فوق وشبوحه بعيد=وفعوله يسولف بها جيل جيله
يستاهل التقدير ذخر الاجاويد=واللي يقدم شي يلقى حصيله
يكفي جمع ربعه وسوالهم عيد=واصل اجتماع الربع عز وفضيله
ربع زحول وبالمواقف صناديد=والهم على الاخصام رده وميله
مهامزه والله ونعم الاواليد=رمز الشجاعه والصفات النبيله
اللي حموها في خشوم البواريد=والشلف وحدود السيوف الصقيله
يوم انها بين القبايل مواعيد=سطارة بالروس ماهي قليله
واليوم في حكم السعود المساعيد=شجره على روس القبايل ضليله
امن وامان وراية الدين توحيد=وافراح وسرور وطرب كل ليله
من فضل من ينشي السحاب الرواعيد=اللي يجدد نظرة الارض سيله
واعيد واهني بني عبس وازيد=عيد مبارك جعل مالله يزيله
ويالله عساه يعيد ويعيد ويعيد=وانتم بخير اعز واشرف قبيله
[/poem]

وسوالم السامعين
الشاعر|حجاج بن مدله بن حجاج العماري المهيمزي