بدر بن سويلم

[poem=font="simplified arabic,5,blue,normal,normal" bkcolor="transparent" bkimage="" border="groove,4,gray" type=1 line=1 align=center use=sp num="0,black""]
المعاني والمبادي للرجال تزيد فاقه=وانت يا بدر السويلم هاك قم ناظر مقرك
منزلك جوف الضماير زل واتعدى نطاقه=كل عرقٍ فيه با احساس المشاعر لك تحرك
شوقي الحراق قام يبث للغالين باقه=يا عساها يا رفيع الشان بالتالي تسرك
لا ارتفع صوت الماسي وانبثق ربط العلاقه=قلت يا صوت المشاعر هاتها لله درك
دام في بدر السويلم هلت حروف اللباقه=هاتي اصناف القوافي والمغفل لا يضرك
دام انا شاعر ولي فالشعر مليون انطلاقه=حركي شرد القوافي لين تزرع مستقرك
اشهد ان العز باقي والكرم قيد وثاقه=في يمين اهل المكارم غيثها يجتاح برك
كل ما قلنا يموت الشوق بعيون الحماقه=قالت انفاسي توقف والمظاهر لا تغرك
الجمل يبقى جمل والهودج اقفى فوق ناقه=وانت يا باب الشقى يكفيني الرحمن شرك
قمت ابا اهدي للوفى من داخل الاعماق باقه=فيك يابدر استقر القول والهاجس تحرك
[/poem]