☜♡☞ ❤ فصـــــــاحت بي (انا احبك )ولك في هالحشا تقدير ❤☜♡☞

على الموعد بلهفه جيــــت لا مانع ..ولا تاخيــــــر
لفيت من العصر هايــــم مع ان الموعد المغـــــرب

وجتني بس انا مدري شعرت الجيه هــــذي.. غير
وهي تقرب من عيوني شعرت ان الــــممات اقرب

وقلت : الله يهونها عسى في جيـــــتك.. لي خيـــر
انا من شفتك اقبلتي وانا خايـــــف ومستغــــــــرب

على كثر الحكي مدري كــــــأنه خانها التعبيـــــــــر
قالت لي جمل واشيــــــاء لا تكــــتب ولا تعـــــــرب

هدت فجأه تطالعني وانا في حاجــــــة التفسيـــــــر
لجل نحكي بهدوء اكثر سالت الحلوة :وش تشرب

فصـــــــاحت بي (انا احبك )ولك في هالحشا تقدير
وتــــدري ان المثــــــــل فينا وفـي احساسنا يضرب

صحيح انك وفـي.. وانك برئ من تهمة التقصيــر
ولكن ذي عــوايدهم من ايــــام وزمــــن يثــــــــرب

تكون البنت لابن العم ..ورغبــات الكبار تصيـــــر
وتدري الاقربون اولى مع انك للخفوق اقـــــــرب

وتدري للقـــدر كلمـه لعــــادات الاهـــــل تاثــــــــــير
لذا ارجوك تتركنــي وانــا من دنيـــــتك باهـــــــرب

شعرت بحكيها كنه قصـــــاص وأمـــــــر بالتعزير
شعرت الدنيا ضاقت بي من المشــرق ليا المغـرب

مشت خلت وراها طفل ما يــدرك وش التدبيــــــر
يحسب ان الغرام اشعار شاعـــر واغنية مطــــرب

ضحكت وما قدرت اني الاقي لضحكتـــــي تبرير
من اللي بوقتنا مره ضحك من لدغة العقـــــرب

رفضت استوعب اللي صار ولا استسلمت للتغيير
ثمان سنين اجي نفس المكان بحزة المغــــــرب

برغم ان الثمان سنيـــن جرح.. وكلفتني كثيـــر
انا لليوم اجي وادعــي.. تجي يارب تجي يارب



اتمنــى آآن تكونــ قد حآآزت على رضآآآكــمـ ..