12-Nov-2010, 06:28 AM
|
#1 | |
|
عضو برونزي
|
إحذر أهلك في خطر
بسم الله الرحمن الرحيم
يكون الرجل ماشي مع زوجته بالسيارة ويقف أمام أحد المطاعم او البقالات او ..... ويترك سيارته شغاله وزوجته فيها او أخواته او بناته او اي أحد من قريباته ويدخل الى المحل اللذي وقف ليشتري منه وبعد ان يشتري ويخرج متجها الى سيارته الفآآآآآآآآآآآآآآآآآآآآآجعه إختفت السيارة كيف؟؟؟ وين؟؟؟ مستحيل اهلي فيها تروح السيارة بستيين داهيه بس اهلي ....؟؟؟ وش يفيد عندها ولد جاري العزيز عبدالرحمن قالي قبل اسبوع رجال ترك سيارته اما مطعم شغاله وفيها زوجته في حي العليا << واتوقع ان ما خانتني الذاكره قال كمان عياله ولعلمكم حي العليا عندنا مزززززززززززحوم ويضج بالناس طول الوقت ونزل الزوج ليشتري وجبه عشاء ولم رجع ما لقى اي أثر لزوجته ولا للسيارة ولهم أسبوع كامل مختفين وما في اي شئ يوصل رجال الامن او اي احد لهم في الايام الاخيره تهاون الرجال بترك سياراتهم شغاله لم ينزل يشتري من سوبر ماركت او من أي محل ليش ؟؟؟ يقول عشان لم ارجع على طوووول اركب السيارة وامشي ماني ناقص اطفي السيارة وبعدين اشغلها من جديد طيب ما فكرت ان اي احد غيرك قادر على انه يركبها ويمشي فيها على طول هذي الايام أصبح الحرامي ينظر يلقى سيارتين شغالات والسائق نزل من السيارة يناظر الحرامي للسيارتين الاولى شغاله وفاضيه مافيها أحد والثانيه شغاله وفيها بنت اأو حرمه وش تتوقعون من الحرامي يختار ....؟؟؟؟؟ 95% بيختار اللي فيها بنت لانه اصلا ما يسرق الا وهو ما يخاف ربه بتقولون الحرمه مستحيل تقعد ساكته من دون ما تسوي شئ تتوقعون الحرامي بيكون لطيف معها ؟؟؟ حسب الاحصائيات فإن أغلب او بين قوسين ولا ابالغ ( كُل) الفتيات اللي تعرضو للخطف بعد ما وجدوهم يلقونهم كسر في اليد وكسر في الرجل وكم ضلع مكسور والبعض قد يصل بها الحال الى تكسر في عظمة الجمجمه وكسور في العمود الفقري والحوض وجروووح لا تحصى << ليش كل هالكسور والجروح أكيد انها كانت تدافع عن نفسها وشرفها بس هل هي ند لرجل ؟؟؟ مستحيل واذا كانت زوجتك او اختك او اي قريبه لك أقوى منك فاعرف انها اقوى منك لانك اصلا ما تبغى تؤذيها ولا اصلا بوكس واحد قووووي كافي لان يدخلها المستشفى لانها فتااااااه وليست رجل قادر على تحمل ظربه قوووويه حط نفسك في هذا الموقف تركت سيارتك شغاله امام احد المحلات ونزلت وكان في السيارة زوجتك او اي من قريباتك ( أختك ـ أمك ـ عمتك ـ خالتك ) ودخلت المحل ولم رجعت ما لقيت السيارة واهلك فيها وش موقفك وش بتقول لابووووك وش بتقوووول لامك وش بتقول لاهلك اذا كانت زوجتك وش بتقووووول لعمك او لحماتك وش بتقول لجماعة البنت أنت المسئؤل نعم أنت المسئؤل تالله كيف تترك سيارة شغاله فيها أهلك وتروح عنهم ولو بتقول فيها ولدي فلان او اخوي فلان اقولك أخوك او إبنك هذا او اياً يكن هل هو قادر على الدفاع عن نفسه أولا عشان يدافع عن اهله ؟؟؟؟ << أترك الاجابه لك أروي لكم هذي القصه وهي واقعيه وحصلت في السعووووديه تقريبا على ما اذكر مثل ما قالي استاذي انها في تبوك يقولي استاذي ( قبل فتره رجل مع زوجته وعياله وقف قدام بقاله ونزل وترك السيارة شغاله واشترى من البقاله ما شاء ثم خرج ولم خرج الكآآآآآآرثة إختفت السيارة تتوقعون وش سوى الرجال؟؟؟ تدرون وش صار فيه إنهببببببببببببببببببل رمى شماغه وحذيانه ورمى كل شئ بيده وقعد يركض مثل المجنون يقول السيارة تروووح في ستين داااهيه لاااااااااااااكن زووووووجتي ويركض من بداية الشارع الى نهايته ويروح ويجي يبي بس يشوووف سيارته وراح لنهاية الشارع و شاف زوجته على الرصيف مع عيالها راجعين بتجاه البقاله ومافيهم شئ والحمد لله ركض الزوج بتجاه زوجته وقالها وش صااااااار قالت ركب واحد بالسيارة ومشئ فينا شوي لقدام و وقف وقالي انقلعي انزلي بسررررعه وانا انزلت على طووول عندها قال الزووووج بيض الله وجهه << والنعم في الحرامي ذا حرامي قابل للانقراض معاد باقي اي حرامي مثله بس قولي أخي الفاضل تبغى تتعرض لهذا الموقف؟؟؟ أكيد ما تبغى فأقولك لا تترك سيارتك شغاله أبد حتى لو مافيها أهلك حتى لو انك شايفها او تراقبهامن مكان قريب الحرامي اصلا من بعيد يراقب ويركض بتجاه السيارة وخلال 5 ثواني تختفي السيارة لانه اصلا ما بيفكر لا بناس قدامه ولا اشارات ولا شئ وعاد عندها صاحب السيارة وكل شئ يصير قدام عيونه يقوم يدور على اي احد ينطلق ورى سيارته بجنون ويقطع اشارات ويقفز من فوق الارصفه وما في سيارة الا وتجاوزها << لان الحرامي شئ اكيد بيكون مصفي الطبلون وماشئ على السرعه القصوى اللهم إحفظ أهالينا وأهالي المسلمين امين .gif "Oo5o.com (25)")
|
|
 بالله ابو تركي وش رايك في صورتي مو حلوه يالبى الامير الوحيد بس 
|
| مواقع النشر (المفضلة) |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
(عرض الجميع )
الأعضاء الذين قرأوا الموضوع هم : 6
|
|
| , , , , , |
العرض الشجري
|
|
الساعة الآن 05:49 AM