مرض الغطرسه واساليب اخرى لها

حيــــــــــاكم

الغطرسة .. وما ادراك ما الغطرسة

انها ضرب من ضروب الهلوسه

يحسبها الظمآن ماء

مع انها في الحقيقة جهل وبلاء

والمتغطرس له في حياته طقوس

لا تجدها في معجم ولا يحتويها قاموس

يعتمر غترة بيضاء ذات مقاس كبير

والعالم في عينه توزعوا بين قاصر او حقير

يمر من امام القوم دون ان يرمي السلام

ويرمقهم بنظرة تفتقد ادنى درجات الاحترام

يجلس واضعا قدما على قدم بكل وقاحة

ويشعل سيجارا كوبيا بكل بطر وبجاحة

.
.

وهـ... تعبت من الفلسفه

المتغطرس باختصار وبساطة

كائن حي غبي... غبي جدا ودلخ

شايف نفسه ( يا ارض اتهدّي .. ماعليكي أدّي )

مسوّي فيها ابوطخطيخ وحاقر هالعالم ومافيه احد غيره قوي وحلو

تلقاه اوقات ضابط توّه متخرج ملازم.. وقاعد يستقوي على الجنود

او رجل اعمال من هذولاك اللي مايعرفون يلبسون العقال زي الناس

او لبناني جاء بعقد عمل وحطوه مدير.. وصرفوا له رانج روفر جديد وسكن في كمب امريكان

اومراقب تراه وكأنه ثور في محل من خزف يحذف موضوع ويتباها انه من حقه الحذف ويرى في نفسه الهيمنه والغطرسه
او تاجر هندي راح البحرين وعطوه الجنسية وفتح له كم فندق ومرقص وصار مايمشي الا بالبودي جارد

بس ترى كل مافات يعتبر من الغطرسة ( المكتسبة )

فيه غطرسة غير شكل... تجي بالوراثة

مثل غطرسة أي مراهق متغطرس من فئة ( H.R.H ) << اسألوا عنها مرور الكرام

ولد نعمه ومن يوم طلع على الدنيا وهو ياكل بملعقة ذهب

احتمال كبير اصلا يكون مولود في باريس او لندن او نيويورك ( على حسب اجازة العائلة ذيك السنة )

والولد اصلا وسيم وحاط ذيك القصيصة الكوشخة ومتكتك السكسوكة وعلى سنقة عشرة

وماقصّر بابا.. اشترى له اسكاليد جديد بمواصفات خاصة

وراح الولد وكتّم امه تظليله

ومخباته فيها بوك ( فيري كيوت ) وارم ومنتفخ من كثر القريشات

وكل ما حس بلمحة من الجوع اللطيف... راح للتحلية او التخصصي

و سد المدخل حق برجر كنج او ماكدونالدز... وابن امه يتكلم ياعيال اللي مانيب قايل

مايروح ولا يجي الا واللاب توب معه وشابك نت طول اليوم

ومعه على المسن 85 بنت... كل وحده تبي تصير ليلى حقته

واذا كمل عمره 23 سنة... ارسله بابا يدرس في جامعات بريطانيا

واشترى له من بقالة الجامعة شهادة كوووشخة مره

.

.
.
.
.

كيف تحلل شخصيات ونفسيات الناس بواسطة البيتزا ؟؟

خوذوها مني ومن واقع خبرة كبيرة وتفحيط شامل في مطاعم البيتزا

اذا دخلت احد المطاعم الشهيرة ( بيتزا هت – دومينوز – ليتل سيزرز – بيتزا إن )

شف الناس اللي حولك وش يطلبون وحلّل شخصياتهم :

اذا طلب سوبر سوبريم ( اللي كل شي فيها )... اعرف انه انسان بسيط ومتعود على الدمشقية ( ام ستة ريال ) او عش البلبل

او انه مايعرف انجليزي وتوهّق

اذا طلب خضار بدون بيبروني ولحوم... اعرف انه متشدد مايحب النقانق والبيبروني لأنها تجينا من الكفار

هذا غير الخوف من جنون البقر وانفلونزا الخنازير.. وماياكل الا حاشي في بيته

اذا طلب دجاج ومشروم بدون اضافات... اعرف ان الطلب مو له.. لخواته البنات في البيت

اذا طلب هاوايان بالاناناس... اعرف انه عبيط ويموت بشي اسمه الذات ويعتبره مثله الاعلى وقدوته.. وقاعدته في الحياة ( خالف تعرف )

اذا طلب جبن سادة... اعرف انه مدمن تميس بالجبن.. ويفطر كل صبح على خبز مفرود مدهون بجبن كرافت مع شاهي

اذا طلب لحوم مشكلة بدون خضار... اعرف انه مشفوح وماشاف خير

اذا طلب مكسيكان حارة بالفلفل... اعرف انه خاش جو مع ( سلمى حايك )

اذا طلب بيتزا مأكولات بحريه... اعرف انه لاقي 500 ريال طايحه في الشارع

واذا طلب صحن سلطة بس بدون بيتزا... اعرف انه حساس ومرهف وطايح طيحة قشراء مع بنت جايبته على وجهه </P>

.

.