صوت و صدى

السلام
عليكم ورحمة الله وبركاته
اخواني واخواتي
الأحباء بالله
أسعدالله أوقاتكم جميعاً بكل خير
هذه القصيده أسندها عليّ
الشاعر والأخ العزيز
فايد شعبان المهيمزي
وهي بعنوان
(ياعايض الناس بذتني سوالفها)

[poem=font="mudir mt,6,black,bold,normal" bkcolor="transparent" bkimage="" border="outset,6,burlywood" type=2 line=0 align=center use=ex num="0,black""]

ياعايض الناس بذتني سوالفها=سكرت باب السوالف وافتحوا بابه

ناس(ن)تحيّرت مدري وش مكلفها=لو عندي احقوق قلت الناس طلابه

أسمع سوالف ولايعرف مزيفها=من شان ينشد عن اللي قال وأسبابه

والناس محصيتها من شان أحلفها=يمكن يبين المنافق من طرف جابه

لكن جزاء راعي أعلوم(ن)يولفها=على الله اللي جميع الخلق ترضابه

قلته ونفسي كثيرات(ن) حسايفها=من وقتنا اليوم محتاره ومنصابه

فيه المذاهب تبين لي تخالفها=وقلّو هل الطيب واللي يحسب حسابه

وأهل الكرم تشتكي قلة مصارفها=والنذل ناسب له الوقت وتهنّابه

وراع النمايم لقى دنيا(ن)يوالفها=والكذب راعيه يجسرويتمشّابه

نفسه بعلم(ن) يناسب له يكيّفها=لو كان ماهو صحيح ليا طرى جابه

وعلومي أرسلت للصاحب طرايفها=حيث إنه أحس بالموضوع وادرابه

والمرسل أزكى تحياته يزرفها=يم ابن باين بخط وزرف واكتابه



[/poem]

فايد شعبان المهيمزي
وهذا ردي
بعنوان
(مالك ومال الحصاه ومال حاذفها)

[poem=font="mudir mt,6,black,bold,normal" bkcolor="transparent" bkimage="" border="outset,6,burlywood" type=2 line=0 align=center use=ex num="0,black""]

هيّض هواجيس قلبي صوت عازفها=أعز الأصحاب معناه أتسلابه

يافايد الناس من يقدر يوقفها=ناس(ن)تقول الصحيح وناس كذابه

ميحاسب الناس غير اللي يصرفها=مدبر الكون كله عالم(ن)مابه

مشاكل الناس واجد وأنت عارفها=مافيه أحد يدّب المخطي بمشعابه

بعض الرجاجيل عاداته يحرفها=أسود من الصاج قلبه لو ضحك نابه

يمة جدوده على يسراه ناسفها=يسرح ويمرح ومن يرجيه ما ثابه

لو منسبه من حموله مايشرفها=النار تنتج رماد الريح تذرابه

مابه مواري على الطيّب نوصفها=كل(ن)سوا بالهوا مبروك وأصحابه

لويكثر الهرج لاتسمع ولا تفها=خلك جبل من رفع صوته تهزّابه

مالك ومال الحصاه ومال حاذفها=اللي ماهو في مكان الحذف ما صابه

ليا كرهت الدروب القشر سايفها=الرجل ينظر لدربه قبل ياطابه

دنياك لو أقبلت لك وش مرادفها=لو أضحكت لك بوجه(ن)سمح نصابه



[/poem]

وسلامتكم
اخوكم
عايض باين المهيمزي