قصيدة الشاعر سالم بن سليمان الوحيشي البلوي موجهه للأستاذ جابر بن صالح المهيمزي

بسم الله الرحمن الرحيم
اهدي هذه الابيات للأخ العزيزالرائد جابر بن صالح الرشيدي لما وجدت بهذا الرجل من مزايا عظيمه واخلاق كريمه جادت قريحتي لهذه الابيات :

ســـــــــلام ياجابر ويبلغ سعادتك 00 يالصاحب اللي باللوازم نجـــــــيله
تعجبني انك مجتهـــــد في قبيلتك 00 وتبحث وتسهر لاجل شان القبــيله
ويانعم في ربعك ونعماً بحضرتك 00 واصبحت نازل فوق راس الطويله
مهــــــــــامزه ربعك تقدّر حميّتك 00 لانك تقدرهــم بكل الوســــــــــــيله
ومن شأنهم قدمت جهدك وخدمتك 00 وكلاًعلى ماقيل يلقى حصـــــــــيله
الطيبه عند الخلايق هـــــــــوايتك 0 والرجل عند الناس يذكر جـــــميله
رفيقك الادنى فـــــــلا تجيه ميلتك 00 حتى لونه بالخطـــــــاء جاك مــيله
وبالجود والإحسان حصلت غايتك 00 والحمل ما كل الرجال بتشـــــــيله
كلاً ينعم فيك لاجات ســــــــيرتك 00 راعي وفاء راعي علوماً جمـــيله
الله عطـاك من العطـــــاء قد نيتك 00 تخاف من يوم يتغشاك ســــــــيله
لاجاك ظيفك ماتكفي تحـــــــــيتك 00 تقدمون له الصحون الثقيـــــــــله
تستاهل الشيخه لخدمة جماعــــتك 00 يالي تميز بين عــدله ومــــــــيله
وكــــــــــل القبايل عارفيناً مكانتك 00 رجــلٍ ومتعلم وعقله دليلـــــــــه
وكلاً شــــــهد لك ما تغير طبيعتك 00 مثل العميل اللي صدوق لعمــيله
وتسعى لحل االمشكله مع رفاقتك 00 واللي يريد الصلح ربعه تجــــيله
وفيك التواضع زاد قدرك وقيمتك 00 اخير من ذيك القــــــلوب العليله
ونطلب المــــولى تكمل مسيرتك 00 من بعد ابوك اللي عطاك الــدليله
وبالترقيه يالله عسى أتـم فــرحتك 00 والتاج يصلح فوق متنك تشــــيله
وفرحت والله يوم جتني رســالتك 00 فرحت هـل البل يوم جتهم مخيله
وبذلت جهدي بالنظم لاجل شيمتك 00 عشرين بيت ونعتبرها قليلـــــــه

الشاعر: الشيخ ابويزيد
سالم بن سليمان ابن زيد الوحيشي البلوي