قصيده روعه للشاعر / سعود بن دايس الرشيدي/ مــنـــ هـــاجـــســـ الـــحـــطابـــ

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
من هاجس الحطاب شبيت ناري = لجل ادفي ذكرى ديارن هجرها
غرون ماسقى ريق الصبر بطاري = وسألت طيور الوله محدن خبرها
والشوق مخدر من بريق انتضاري = راكدن على جمر الليالي وكدرها
ماعاتبك يادمعن على الخد عاري = العين ابخص باللي رمشه دمرها
صحيح البعد ماهو من صنع اختياري = ولاهو منسيني حروفن قلبي نثرها
على دروبي ونساني وجهه مشواري = لحظت ضياعي يوم حظي طمرها
ولولا هالنجم اللي بسماي سماري = ماقال الصبر لياليك محدن صبرها
حولت غيص الخيال بعماق افكاري = واخذت اغلا دانات البحر من محرها
من يقول الموج يقبل مني اعتذاري = لاصار الهوى يداعب لمت شعرها
وخدها ديمه سيلها عشقي الجاري = بالوريد وقلبي الراعد سابق مطرها
كثرت هواجيسي على ضو اسراري = ويازين دجى جفني لحتوى صورها
اتوطى شوك الندم ولاادري بنهاري = يدوب شمسن ترسم حمرة ثغرها
وبعدها كني ضريرن دربي يساري = اتوقى هاويات الزمان وخطرها
الله يبيح الجفى من صفحة اقداري = ويربط مصيري على مهرة قدرها [/poem]