قد طلبت الله وانا بين زمزم والحطيم

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]
هيه يالي اغراك الليل واغراك النديم =هيه يالي هزك الشوق والمسرى ضياع

وقفي بين الخطأ والصراط المستقيم =وقفي بين التراحيب وكفوف الوداع

سولفي مثل المشاريه في صوت الحشيم =واسكتي مثل الشفايف لاطاح القناع

واضحكي مثل النواويير في روضة خريم =واغربي مثل المزاجات في غرب الرفاع
وابعدي مثل المتاهات في حلم اليتيم =واقربي بين السوالف وكتفي والذراع

وانظري لي نظرة الشوق للشي القديم =واغرقي بالدمع الازرق مضاليل وساع

واصبري مثل المسافات في صبر الحليم =واسمعي صوت الهوى يوم فليت الشراع

يوم صرتي عود ريحان ورضاي النسيم =واصبري يانجمة الصبح مال الصبح داع

قد طلبت الله وانا بين زمزم والحطيم =شوفتك ياغلا سميه لاصرتي رباع

العيون تجوع تجوع والله العظيم =والعشى في عيونك السود وعيوني جياع

ان عطيتي مايرد الكريم الا الئيم =وان بخلتي قلت تكفيني والدنيا متاع

اقبلي يامثل التباشير في وجه الكريم =وارحلي مثل التعازي على موت الشجاع [/poem]

ضيدان بن قضعان