ضيف الأسبوع الرابع ... يوسف بن شلاح المهيمزي ..

اقتباس:
المشاركة الأصلية كتبت بواسطة راعي الكيف
السلام عليكم ..

س : اجمل قصيده أعجبتك و تمنيت انك انت من كتبها ..؟

س : من هم شعراء بني رشيد الذين يستحقون اسم شاعر ... ؟؟؟

س : قصيدة سببت لك مشاكل ... و فهمك الكثير بسببها فهم خاطئ و كيف تعاملت مع الموقف .. ؟؟؟

س : ماهي طموحاتك في المستقبل كشاااعر ... و هل سنسمع بتجربه لك في المسابقات الشعريه .. ؟؟

س : أخيرا ... من هم شعراء هذا المنتدي الشامخ و من يعجبك منهم و ما رأيك في الشباب كشعراء .. ؟؟

تقبل مروري .. و شكري لك و للأخ فلاح .. و لكل من عمل جاهد لأنجاح هذا الموضوع ..





مرحبا راعي الكيف...

القصيدة اللي عجبتني قصيدة عادل الذيابي:

طال السكوت .. وظاق صدر السواليف
والبال .. من كثر الهواجيس عايف .!

والليل طااال .. وطارق الصبح ماشيف.!!
وانا .. وصمت الحزن .. صرنا ولايف

اسج .. مع هجس الطواريق .. واعيف
هجسي .. وطاروق الضلوع النحايف .!

صمت الشعور .. احساس .. ماله تواصيف
أكبر من حروف الحكي والوصايف ..؟؟

يا سيف كيف اشرح لك الوضع يا سيف ؟؟
اقلامنا جفت ورفعت صحايف .!!

كيف ابتدي يامسندي .. وانتهي كيف ؟؟
من دون كيف ؟ انا مثل مانت شايف .،!

شفني بقايا انسان والوقت كالسيف .!
وحظي كفيف ..! وفرحتي .؟ حلم زايف !

همي بحر .. وضلوع صدري .. مجاديف
والعمر مركب .. بين الأمواج طايف .!

وقلبي وطن .. وعروق قلبي تجاووويف
للحزن .. وهمومي .! شعووب وطوائف ..!

صوعات بقعا .. والقدر .. والصواديف
ورتني اهوال السنين العجايف

أتبع .. "خريف العمر" في رحلة الصيف ..!
وازحف .. على حد السيوف الرهايف ..

الليل .. مفتاح السهر والتكاليف
والصبح .. مفتاح القهر والحسايف

والصبر .. مفتاح الضلوع المناحيف .!
والحزن .. مفتاح الجروح الرعايف !!

ولا صار لك حاجه.. ولا لك معاريف
بشت القناعة خير من بشت نايف

ان قلت لك خايف ! ترى ماني ضعيف
ولاني شجاع !! ان قلت ماني بخايف ؟

ياسيف وش عذر المعازيب للضيف ؟
لامنها ضاقت صدور المضايف .!

قل للسوافي لوتهب العواصيف
عنها رقينا عاليات النوايف ..

تسفي وحنا فوق روس المشاريف
في راس نايف .. والخلايف .. خلايف

وقل للضعوف اللي تحسب المصاريف
حنا ترانا ماحسبنا الكلايف

لوشحت .. يدين الزمان .. المناكيف
نبقى على .. عهد الوفا .. مانزايف

وان طال .. بال الليل .. قل للسواليف
بوح السهر من ظيقه الصدر عايف ..!
------------

-كلهم يستحقون إسم شاعر...

-لم أدخل في هذه الدائرة...ولن أندم في يومٍ ما على شيء عملته.

-لا توجد لي طموحات مستقبلية كشاعر...لأن الشعر هبة من الله..وطموحي كشاعر قد تحقق وإنتهى...
من ناحية المسابقات...ربما...والله أعلم.

-شعراء هذا المنتدى هم رواده بلا إستثناء...ويعجبني منهم الكثير...ولكن ناصر الشريف هو الأقرب لنفسي..

شكراً لك...