شاعر (( محمد جار الله السهلي ))

(اصعب سؤال)

( اصعب سؤال ) اللي جوابه للأسف مثله ( سؤال ) !!
ما هو تفلسف !! الا موقف صار واسمع " ثاني بيت" :
البارحه يومه سأل : ( وش ذكـرك ذيـك الليـال ؟ )
كان الجواب بكل بساطه : ( من متى اصلا نسيـت ؟ )
ادري بان جمع ( الصعوبه والبساطه ) شي محـال !!
لكنها صارت كذا ! واللي (( اهـم )) انـي دريـت :
ان الحيـاه فبعـد احبـابـك اذا جــف الـوصـال
اتعيشها لو تقتنع انك خلااص اصبحـت ( ميـت !!)
يـا صاحبـي لـو كـل شـي يمـر بالخاطـر يقـال
مـا كانـت العبـره تولجنـي اليامنـك طـريـت ؟!
شفني قدرت احبس دموعي بس ( دمع القاف ) سـال
ويا كبرها ساكـت ولكـن داخـل اوراقـي بكيـت !!
عمر الحكي مـا كـان دافـي لاابتـدى بقولـة تعـال
لجـل اتجاهـل رجفـة حروفـي اليامنـي حكـيـت
الحـال فـي بعـدك قسـم بالله مـا اسميـه حــال
انوي على الضحكه واحس كلي خطا لانـي نويـت ؟!
اتصور انـك مـن رحلـت اشوفـك لجسمـي ظـلال
لا شفته امشي ببتعد واثـره معـي مهمـا مشيـت !!
مـدام يعنـي فـي بحـرك لفرحتـي مليـون جــال
وش فيه موجك ما ركد ؟ قربت اموووت وما رسيـت
يرضيك مـا عـادت معـي تفـرق اذا جالـك مجـال
لاني اقتنعت انك نهايه وانـي ببطـي مـا بديـت !!
صرت ( اعقد حجاجي ) اذا جابوك باطـراف الجـدال
وانا قبل لاقالـوا اسمـك كنـي : ميـت ثـم حييـت
تعبـت اعيـش الـدور وافتـح للمعاذيـر الخـيـال
واتخيـل انـي جيـت فـي بالـك وبانـك استحيـت
وتردلي كلك (( وله )) وتقول : ( كن البعد طـال ؟ )
ومن الفرح ما عاتبك واقول : ( ياخـي مابغيـت ! )
حتـى وانـا تخيـل حشمتـك ! لـن قلبـي لا يـزال
يكـرر اسمـك داخـل اعماقـي بنبضـه لا سهيـت
قلي شسوي فيـك ؟ وانـت بداخلـي اصـدق مثـال
للحب واحساس القصيـد ان عانـق الليـل وسريـت
ربـي يصبرنـي علـى الفرقـا مـدام الحـظ مــال
وانت بيجيلك يوم تعـرف ليـه فـي بعـدك شكيـت
واذا بلاك الله وعذبـك اشتياقـك (( بـس تعـال ))
واقرى القصايد في غيابـك كلبوهـا بيـت ... بيـت
بتدرى ان ( اصعب سؤال ) اللي يجي رده ( سـؤال )
لا قلتلي ( وش ذكرك ؟ ) ثم قلتلك ( متى نسيـت ؟ )