ممنوع العبور ) !!

مدخل:-

ماني بـ ميّت لاصارت فرحتي دنيا
ومن الطبيعي أذوق الضيق واكنّه !

أنا اكثر إنسان عاش الحزن فـ الدنيا
عساني القى العوض ( وأفوز بـ الجنّه ) !

القصيده

,

]

الظنون الّي ملت دربي ظلام
.............أوهمتني , وعكست بعض الأمور !

( القلم ) .. حاله على مالا يرام
.......( والورق ) .. يشكي من اجحاف السطور

صاحـبي والعين ماتقدر تنام
...............والسكوت اشبه بـ كتمات القبور !

من كثر صدمات عمري فـ الغرام
...صرت اعاني من مرض ( ضيق الصدور ) !

ماتخـيّلتك تـرد الإحـترام !
..................في جروح غلافها كثر القصور

كيف كنت تقول له نفس الكلام ؟
................وكيف كنت تبادله نفس الشعور ؟

تظهر اللّهفه بكثر الإهتمام
.............والجذور الخاينه ( نفس الجذور ! )

صرت في أرض الجفاف وفـ إنعدام
.................بعد ماكنت الشّذى بين الزهور !

لاتفكر في بلوغك لـ المرام
...............وأنت من حطّمت بيديك الجسور !

كثر ماكنت أبتسم عند الملام
.............ماجبرت بـ خاطري كثر الكسور !

صرت فـ مرورك مع مرور الكرام
.................وخابره ماهو بـ حيّالله مرور !

آخر حقوقك علي ( رد السلام )
.................والشعر , يبقى لـ طعناتك شكور

أربع سنين أعشقك عامٍ بـ عام
.............فرحتي منها مغير ( أربع شهور ! )

ماتت أحلامي , ومن مثلي:- حرام !
...........ينسرق عمره , ولو راح ( معذور ) !

بتركك ياحب , وأرقا لـ الغمام
....................والحزن , يلقاله إنسانٍ صبور

إنـقفل بـاب المـحبّه والهـيام
...........وانكتب بـ اعلاه ( ممنوع العبور ) !!

,
[/

مخرج:-

زارتني الذكرى ومن غير تفكير
ذكرت من ضيّعت عمري عشانه !

كل عام وأنت بخير ( والغدر ) في خير !
اليوم ذكرى عيد ( أكبر خيانه ) !!

,
راقت لي ,,/