ايدام هندي رهيب

بسم الله الرحمن الرحيم
أخواتي الغاليات إن شاء الله تكونون بخير وصحة وعافية... اليوم حبيت أشارك في قسم من مطبخي لأني أحس إنه يطلع إبداعات الأخوات في تجاربهم المطبخية....المهم ما أبي أطول عليكم اليـــــــــــــوم جايبه لكم طريقة ايدام هندي رهيييييييييب وحابه إنكم تجربونه .... نبدأ.... المقادير والطريقه مع بعض...

أول شي تجيبين دجاجة مقطعة صغير وتحمسينها في زيت شوي ثم تضيفين لها2ف ثوم مهروس وشوي بهارات وشوي كمون مطحون وشوي كمون حب وملعقة كركم وشوي كاري وملح وتحركينه 5 دقايق

بعدين تضيفين له كاس ونص ماء وتتركينه حتى يستوي نص استواء..في هالوقت جيبي خلاط الطماط وحطي فيه 2بصل مقطع و3طماط مقطع وملء اليد كزبرة خضراء وزيديه شوي ماء علشان ينخلط
بعد ذلك صبيه على الدجاج وحركيه ثم اتركيه حتى يستوي

آخر شي حطي عليه علبة زبادي وحركيه وخليه 5دقايق

ثم قدميه مع الخبز أو الأرز الأبيض وسلطة الزبادي

وهذي صورة عن قرب





وعليكم بالعافيه

ملطووووش لعيون البنوتات الحلوات