نحن و ذكريات طفولتنا مع اهالينا/،

الله الله رجعتونا للورى فترهـ ياناس الله ما أحلا أيام الطفولة كله فرح وسعادهـ
وأهم شيء فيها اللعب والوناسة

نبـــدأ بالأسئلـه ..
1/ إيش كآنت لعبتك المفضلـه وأنت صغير ؟

لعبة الايام اكيد الكل يعرف طريقتها
طريقتها اثنين مقابلين لبعض
كل واحد يطق ايد الثاني
والول يبدا السبت والثاني يطق ايد الثاني الاحد
الين الخميس وبعد الخميس اذا صاب ايدك الجمعة رسبت
ويجي الثاني خخخخخخخخ
واكثر هاللعبة مع البنات خخخخخخخخ اذا لعبت معهم الا هاللعبة لازم تلعبها غصب
واللعبة الثانية هوشة بس بمزح خخخخخ
يعني كل واحد يمسك الثاني والي يطيح بالارض يكون الخسران
بس مخاطرها واجد يعني اكثر هالايام بعضهم تصيبة غيرة
وتتحول لهواش وانتم تعرفون بوقت الطفولة صارت هوشة مافي احد
يفرق فيه تشجيع للهوشة
ولا الي يتراجع ورى يدفونة عالي يهاوشة ويقولون
يو يو يو خاف خاف
وعاد اذا قالو كذا خلاص تقوم الهوشة
بس اذا بكى احد الطرفين يخاف الي سبب البكي وينحاش وتكون مطاردة من الي يبكي للي بكاه
واخر شيء بس احسب ربع ساعه وهم متصالحين يعني القلوب بيضاء
بس والله فيه البنات هوشاتهم اذا كانت اكبر منك اوكبرك بس اذا كانت تقدر عليك بصراحه اذكرهم مايرحمون خخخخخ
بس العيال اشوى يحنوون بس البنات الله لايوريك اذا طحت بينهم رحت فيها يعني طق ليما تشبع خخخخخخ




2/ نشيد كنت تحبه أيام الطفولـه ؟

الله نحولة وعسول اتوقع قبل لا اخش المدرسة كان يجي عالقناة الاولى وكانت حلقتة وصلت الين 90 حلقة
والاناشيد اذكرها يقولون
بشار يابشارُ هيا إلى العملِ

يحؤؤؤل زمان


3/ شخصيه كرتونيـه كنت تحبهآ ؟



والثاني باباي خخخخخخخ قوي وياكل سبانخ ويقلب السفن ومصدق وآقول لأمي أبي سبانخ ياناس ابي اكون قوي خخخخخ
وحتى علبة السبانخ كل مامريت سوق او شي اقول لابوي تكفى دور لي سبانخ باباي والله زمان



4/ كيف كنت أيام طفولتك شقي ولا مؤدب ؟
والله شقي مرررة بس طيب بنفس الوقت لاني اذكر
اول ماخشيت سنة اولى كان في ولد دوووب شوي بس خواف
وانا لما طلعت شفت اخوي من بعيد قلت هين لازم اصير اقوى من اخوي وعلى طول اروح له واول ماطرحتة ماسويت شي ويمرني ذاك المقرود الي حتى شوشتة طايرة قالي عطه كف عطه كف
واعطية كف بس بسيط وهو على طول ينفجر بالبكي ويروح وبصراحه تندمت بذيك اللحظة على اني ضربتة
ولما وصلت ابوي قالي انت ضاربة قلت لا المدرس
قالي ابوي طيب خذ فلوس ورح انت وياه للبقالة واخذو الي تبون وتعالو قلت خلاص واروح
قلت له علي تسامحني قال خلاص
وتراه معنا الحين بالمنتدى ياحليلة علي ابن حبيب
وقالي خلاص وتسامحنا ومن ذاك اليوم صرنا اصحاب الين تخرجنا من الثانوية والى الان الحمدلله
الله لايغير علينا

5/ ماهي المواقف اللي عرضت فيها أهلك للإحراج ؟
فيه بنت من بنات جيراننا اكبر مني يمكن بسنة او اقل المهم اذكرها اطول مني بشوي وكانت تلعب معي واذا ملت من العب طقتني وراحت ومع مرور الايام جابت بنت خالتها اصغر منها بشوي وتلمها على فنون الطق فيني وبصراحه هذاك اليوم من شدة الطق فقدت اعصابي
واخذت حجرة وليتها صابتها صابت الضيف بنت خالتها
وطلع منها دم ولما شفت الدم طلع من راسها قلت بس خلاص اكيد ماتت صابني خوووف قوي مرررة شفت الدم اكيد ماتت وبصراحه انحلت المشكلة بين الامهات بعد يوم

6/ هل كانت شخصيتك قوية أم مغلوب عليها ؟

على حسب الي انا اقابلهم احيان تصير قوية واحيان ضعيفة يعني الي ضعيف اصير قدامه قوي شخصية والقوي اصير قدامه ضعيف خخخخخخ
7/ موقف حصل في طفولتك كان له دور في تغيير مجرى حياتك ؟
مو متذكر بس اتذكر كنت بالمدينة المنورة
عند مستشفى الي قرب الحرم القديم كنت ذاك الوقت بصف ثالث
كنت طالع من المستشفى وقطعت الشارع وفية شارع المواقف ماكنت اتوقع تمشيء معاه سيارات
وكنت اركض بسرعه
ولما مريت بين سيارتين بالمواقف بطلع من الشارع يمكن اقل من متر واحد بلمة كأنها لمحة برق تعدت سيارة جمس احمر مسسسرعه مرررة ولما اتعدت على طول كنت بنص الشارع بس بكيت من الخوف وعقبها الين الان انتبة من جميع شارع سبحان الله
اتوقع لو جيت ببوجه كان انتهت حياتي بس كلن الله ساتر عليه وهذا الموقف مسستحيل انساه

8/ أكبر عيديـه جمعتها كم ؟ ومن مين ؟

كلها من الاقارب بس مو متذكر كم لانها تجي صرف على عشرة وعشرين وخمسين وزي كذا

9/ يوم كنتِ صغيره إيش كآنت تسريحتك المفضلـه ؟
ماكانت لي تسريحة بس الشعر أهم شي يجي محدد ومكثف على وسط الراس بس ماعرف هالتسريحة لانها مرة قديمة خخخخخ
10/ من كـآن يدلعك أكثر أبوك أو أمك ؟
كلهم بس اكثر شيء احن على ابوي لين يجيب الي انا ابي

11/ اســم دلعك بالطفولـه لحد الآن ينادونك فيـه ؟ وماهو ؟

حمودي
12/ لحقت تتابع المجد؟ ولا سبستوون ولا القناة الاولى بالصبح والعصريـه ؟

لا لحقت على سبستون
13/ بطفولتك كنت تبكي إذا ماجلست بالاول بالطابور أو الفصل ؟

لا ما ابكي بس انقهر من الي بالطابور الاول بس اكثر الاوقات اجي بدري عشان اكون بأول الطابور

14/ هل عندك لعبـه موجوده من صغرك إلى الآن واذا كنت محتفظ فيها ؟ وماهي ؟
ياريت بس انا كنت اللعبة اذا لعبت فيها واخذت اسبوع ومليت منها اقول يعني وش بداخل اللعبة ووش ذا الصوت
وأكسرها واشوف وش داخلها يعني اختراعات باختراعات عالفاضي بس

15/ إيش اكـثـر حلاوة كنـت تحـبهاا ؟

غندور المصاص الاحمر وحلاو البقر بس


16/ ايش اسم اول مـدرسـه أو مدرس درسك ؟
سامي المطيري بس بصراحه عيشنا التعاسة ولو ما تحفظ مستحيل تداوم لانه علية طق الله لايوريكم
والكل يجي حافض بس ياكثر الي مايحفظو بصراحه يطقهم ودموعهم وحالتهم حاله
يعني له هيبة ذاك الوقت شقول ما اقول الا الله يوفقة ويسامحه

17/ هـل كـنت تـعانـي مـن اخـطاء فـي مخـارج الحـروف ؟
لا بس حرف الـ(س)والـ(ص) بس الحمدلله مع مرور الوقت تحسن النطق خخخخخخ

18/ موقف بطفولتك ما تنساه ؟ وليـه ؟

لما ضعت بالسوق كنت امشي خلف اهلي وذاك الوقت مافية لاجوالات ولا شيء وكان عمري حوالي 6 سنين
وكنت اروح بعيد عن اهلي والحقهم وهالمرة اخذت اتجاه عكس اتجاه اهلي وبسرعه ركضت وضعت ولما ضعت جلست ابكي واتجمعو شوية ناس وقالو لي لاتخاف الحين بيجو ويعطوني عصير وبسكوت واسكت شوي ولما اخذت نصف ساعة حصلو ابوي وعقبها مرررة ما اروح بعيد عنهم

19/ أجمل رحلـه طلعت فيها بطفولتك ؟
كانت لجدي بالبر بس مو متذكرها زين كان وقت ربيع مررررة وكل شيء اخضر سبحان الله وكان ذاك الوقت مرررة وناسة

20/ مكان معلق في ذاكرتك من طفولتك ؟ ولماذا ؟
بيت كانو فيه جيراننا كانو عائلة كبيرة وبناتهم وعيالهم ذاك الوقت كثيرين وكانت طفولتي اكثر الاوقات معاهم وكل مامريت البيت وشفتة مهجور تذكرتهم

21/ مين أقرب صديق في طفولتك وهل كانت بنت ولا ولد ؟
♪ ♫
بنتين
وولد بس هذولا افضل اصدقاء لاني ولا مرة سبحان الله تظاربت معاهم كانو مررة طيبين الولد كان
اسمة موسى ودرس معي من اولى الين ثاني متوسط ونقل لديرة ثانية بس متواصل معاه الى الان والبنتين الله يستر عليهم يعرفو انفسهم
♪
أتمنى الأسئلــه تكوُن خفيفــه عليكم



يسلمو عالأسئلة أختي بنت رجال الي رجعتنا لاكثر من عشرة سنين الله يسلمو

طيب هالحين انا أختار صوووح

نبي واحد كبير نبي نشوف زمان اول كيف
آمممممممممم
مديرنا العزيز (فلاح المهيمزي)