ليس كل حب يجب ان يتوج بالزواج .. فـ الزواج يفسد لذة الحب

‘
يسعد صباحكم و مساكم

بـ أحد الصباحات الهادئه من هالأسبوع جلست مع عمتي

حسيت إن لي فتره طويله ماجلست معها لـ "وحدنا"

البيت صاير زحمه و المشاغل ماتخلص

سولفت و سولفت لييين خلصت السوالف و عمتي ماهي معطيتني وجه

و كـ العاده بدت معي ثقالة الدم

سألت عمتي من باب الإإستهبال سؤال ما تهمني إجابته

قلت : عمممه متى أدري إن الحاجه اللي أسويها غلط

شافتني بطرف عين وقالت : بالله هذا سؤال ؟

قلت : جاوبي و أجاوبك

قالت : قوومي بس طول و عرض وهذي سوالفها

عاد هنا مسكت معي إلا تجاوب ونشبت بحلقها لين جاوبت

قالت : اي شي حرام غلط

قلت : طيب فيه اشياء لاهي حرام ولا حلال ~> يقال لي احجر لها

قالت لي وهي قايمه : اللي تخافين تعلميني به تراه غلط

قالتها عمتي بس عشان تفتك مني وتسكتني بس بجد كان هذا هو الجواب الصحيح

الشي اللي أخاف أقول لعكتي او لاامي او اي احد كبير عنه دايم يكون غلط × غلط

طيب مين تقدر تروح لـ ـأمها وتقول يممه " أنا أحــب "

ما احد أكييد مهما كانت علاقة البنت بـ أمها قويه و كل أسرارها عندها

تلقى صعوبه أنها تعترف هالأعتراف و الأم بعد صعبه تتقبل هالشي

يعني الحب غلط ؟؟

الكل بيقول لاء .. الحب فطره و غريزه بالإنسان وماله يد فيها
طيب بما إن هالموضوع موضوعي و أنا اللي منشئته بتفسلف عليكم

الحب ماورد عنه حكم شرعي صريح بس انها مشاعر مباحه

طيب الزواج حلال ومايختلف بها اثنين عاقلين بالغين راشدين
اول كان فيه زواج واحد فقط .. وهو الزواج الشرعي المباح
الحين طلع زواج مسيار و زواج متعه و زواج مثليين و زواج عرفي و ... الخ من الزواجات اللي طالعه من تالي
الزواج أصله حلال بس الانواع والطرق اللي تفرع لها حرام و حرام جداً ~> إنها تحمست

وهذا الحب

الحب مباح و مشاعر الواحد ماهي ملكه عشان يتحكم بها
بس بعض انواع الحب حرام وحرام جداً ~> تحمست مره ثانيه

يعني لما البنت تحب ولد عمها أو ولد خالها أو ولد جارهم

وتخبي هالحب بقلبها و تحافظ عليه و تكبره وتنميه بيكون الحب "حرام" ؟
طبعاً لاء

طيب اللي تحب واحد من النت سواء بمنتدى أو شات أو الفيس بوك أو أو أو ... إلخ

وتعترف له ويعترف لها و تبداء علاقتهم بجنح الظلام وبالخفاء بعيد عن عيون الناس
هي تخليه سر بقلبها ما احد يعرف به و هو يخليها نكته يضّحك بها خوياه
وين الحُب هنا ؟؟
مافيه حب .. مافيه إلا مشاعر مخدوعه و مشاعر خادعه : (
طيب هذا وش حكمه ؟؟.. أكــيــد ح‘ــرام
الحب مشاعر ماهي بيد الإنسان ما يقدر يردها عنه بس مفروض يقدر يتحكم بها
الكل يغفل و الكل يخطي لكن العبره بالنهايه =/
لازم نتحكم بمشاعرنا و مانخليها تسيطر علينا .. الطريق الغلط نهايته هلاك
أنت تحب هالبنت ؟؟ .. خلاص رّح لأبوها و أخطبها و واجه العالم بها

كيف توصل لها ؟؟ .. مثل ما قدرت توصل لقلبها و تهتك براءتها تقدر توصل لأهلها

إذا قلت ما اقدر أعرف أنك ماتحب
أحياناً ننهمك بمشاعرنا وننسى أنفسنا لكن لازم الواحد يصحى لنفسه
متى نبطل نحب ؟؟
نبطل حُب بحالتين (لما تحس ان طريقه غلط - ولما تحس إن فيه شي يخوف )
لاخفت من الحب لا تكمل لأن القلب غالباً عنده إحساس مسبق عن اللي بيصير

قريت قبل فتره مدونه لواحد كويتي كاتب

" ليس كل حب يجب ان يتوج بالزواج .. فـ الزواج يفسد لذة الحب "
ما استغربت من عبارته وحسيتها واقعيه اثنين يحبون بعض بيموتون عشان يجتمعون
ومن جمعهم بيت بدا كل واحد يشوف عيوب الثاني اللي كان منعمي عنها
استهلكوا كل عبارات الحب و الشوق .. كل شي سمج طعمه بينهم
عشان كذا أنا أؤمن إن الحب بعد الزواج أطول عمر

يلآ عاد عقبال ماربي يوفقكم بالزواج الصالح وتجيبون كتاكيت يملون عليكم الدنيا فرح

بعطيكم صوره تأملتها كثييير

وحسيت قد ايش همومنا حقيره

بقفل لكم بقصه توجع القلب و بكيت عليها من قلب

عن عصفوره نتفت ريش عصفوره راحت العصفوره اللي منتوف ريشها

وجمعت الريش وحطته بعش العصفوره الثانيه عشان يكون عشها أكثر دفا و راحه

لما جت بتطير وتبعدعن العش طاحت و كانت الطيحه أليييييمه

‘