قصيدة.. الشيخ فالح بن عبدالمحيي الرشيدي

قصيدة... الشيخ فالح بن عبدالمحيي الرشيدي
بمناسبة زواج .. عزيز جازي الرشيدي
عرس الجماعة مهو محقور ... افرح ليا ذقت فنجانه
أخاف من واحد مقهور ... يضحك والشر بالسانه
عندي خطاء والخطاء ميسور ... والحر يكفخ بجنحانه
فيكم وفاء ماتجي بقصور .. وديوان مفتوح بيبانه
ترى الردي دايم مقهور... يفرح ليا صك بيبانه
إبن نابت وقف مشكور... يفرح ليا شاف ضيفانه
والصقر واضح يجيب اصقور ...والبوم معروف بخوانه
حق علينا نجيك إنزور... والطيب معروف عنوانه
أبو عزيز عزم مشكور ... مايواخذ الشيخ واعوانه
ورد على القصيده الشاعر .. نويجي بن دخين الرشيدي
أميرنا مالفاء فقصور ...حتى يطولون نيشانه
الطيب فاميرنا مذخور... كل يسولف على فاله
وأكد بقولي وفيه اقول ... دونه ليا نيش نيشانه
الشيخ غايب وانا مامور... والحق يوضع بميزانه
له مجلس قد مضى له دور ..مفتوح ماتصك بيبانه
مع مرحبا وياهلا بسرور ...مه دلة دار فنجاله
ابو نويصر صليب الشور... ريف لربعه وجيرانه
للخصمحلال مايعقدون ... وللحق يرجح بميزانة
واعتذر اذا فيه اخطاء مثل ماوصلني من الشخص اللى نقل لى القصائد
والشيخ فالح شاعر معروف غني عن التعريف
وكذلك الشاعر نويجي ولا احلل ولا ابيح من ينقل القصائد بدون ذكر مصدرها
وتقبلو ودي