العهد القديم جديد الشاعر : ثامر شبيب الدقباسي

السلام عليكم ورحمة الله وبركاته
واسعد الله أوقاتكم بكل خير
أما بعد،
الصراحه ودي إني أنقل لكم
جديد الشاعر: ثامر شبيب الدقباسي

وأتمنى أنه جديده ينال على أعجابكم

أدورك من مده هلا فيك جيت منين

هذا منزلك بين المعاليق ما شلته

تصبرت عنك في وعود الليالي لين

ذبحني غلاك وموعدي طال ما طلته

أبي أقول كل اللي على خاطري هالحين

وأنا خابر إني بجرحك حيل لا قلته

قبل يأخذك ما كنت بالشوف تملا العين

وحتى كلامك لا سمعته تثاقلته

وبعد ما خذاك وغبت عني ولا أدري وين

كبرت بعيوني والجفا ما تحملته

أثر قيمة اللي في يديك أن خسرت تبين

وهو قبل عندك في يديك وتجاهلته

أحبك كثر ما كنت سالي مع السالين

كثر ما بكاني دمع عينك وهملته

تصدق بديت أحس بـمفارقك بعدين

عذاب الطريق اللي مشيت وتساهلته

ذكرتك وأنا من عادتي ما أذكر المقفين

زماني بدونك كارثه ما تقبلته

أنا أذكر تعاهدنا ودعيت أنت وقلت أمين

عسى حبنا بـ أعلى المراقيب منزلته

أنا وأنت ما ننسى بعض دامنا حيين

هذا عهدنا ولا أنت ناسي وبدلته

عموماَ أنا ما قلت هذا عشان تلين

نصيبي حصل لو كان ما أبيه حصلته

فمان الكريم وجعل ربي بعدك يعين

فداك الخطا كله من أخره لآولته

مرد الليالي كان شانت معاي تزين

يا كم وأحد راضته قبلي أمزعلته

يجيب الزمان غالي يكفي عن الغالين

ينسيك كل الناس من يوم قابلته

وأذا كان ليي دين عندك فداك الدين

وقلبك من العهد القديم أنت حللته

أنا قلت كل اللي على خاطري الحين

ولا عاد باقي شي للحين ما قلته




للأستماع لشيله






وأداء الشيله الصوت العذب

أحمد الرشيدي
لتحميل الشيله
http://www.thamershbeb.com/up/&#8203...3​fb.mp3