مشاركة في مشروع كاتب

[poem=font="Simplified Arabic,6,black,bold,normal" bkcolor="transparent" bkimage="backgrounds/39.gif" border="groove,10,gray" type=2 line=0 align=center use=ex num="0,black""]
يا ناعم العود لا لديت خرس العيون=خلك حريص ٍ على مغليك لا تقتله
ترى لك عيون معها سم ساعة يهون=منها سهوم المنايا تنطلق مرسلة
أنا أدري انك ليا لديت يمي تمون=لكن ما تدري عن عيونك و ما تفعله
و الله يا لو ما انت يا الغالي عطوف ٍ حنون=انه ليصبح حبيبك لاقي ٍ مقتله
سبحان رب ٍ جمع فيك الحلا و الفنون=فنونك الراقية واجد و متشكلة
تدري من تكون ؟ أنا بقول لك من تكون=نبذة قصيرة و قول ٍ مختصر مجمله
أنت الذي مثلك العشاق ما يعشقون=مخلوق مثلك بهذا الكون من حصله ؟
من هيبتك لأمرك أصحاب الهوى يرضخون=و ان قلت كلمة لها تقدير و مبجلة
مشيت واثق بخطواتك تخطى بهون=و دخلت بستان الأسلوب و قطفت أجمله
و غنى لك الحسن حتى مال ميل الغصون=و ذوق الحياة الرفيع انحاز لك بأكمله
أدنى ملامحك تعجز كل من يرسمون=لو الريش تجتمع ما حلت المشكلة
و أسهل طبايعك تتعب كل من يكتبون=لو كل ٍ يشعب التعبير و يفصله
حتى هل الشعر لو شافوك يتهولون=اطيبهم اللي لا شافك ضيع البسملة
يا صعب وصفك على اللي فيك يتغزلون=أنا و أنا اعرفك وصفك ما أقدر أكمله !!
[/poem]

كلمات / معيبد الرشيدي