طاروق في حفل الشاعر سلمان ابن عماااار

السلام عليكم ور حمة الله وبركاته
انقل اليكم طاروق الشاعرين شاعر وشبل المهامزه القادم حجاج المهيمزي والشاعر ناصر سليمان
بحفل زواج الشاعر سلمان ابن عمار ...

حجاج المهيمزي
في محلٍ قبل اذيع الصوت فيه الصيت ذايع=مرحبا من شاعرٍ يبقى صدى صوته وصيته
انت يناصر نشوفك تالي الايام ضايع=ماتعرف ولاتدل الدرب لو حتى مشيته

ناصر المظيبري
في محلٍ يجمع اهل الطيب بسلوم وشرايع=البقى بالشاعر اللي كل ماجيته لقيته
صاحبك ناصر مع اهل المعرفه شاري وبايع=كم وكم بيتٍ هدمته كم وكم بيتٍ بنيته


حجاج المهيمزي
جيت ياناصر لكن الذيب متبطن وجايع=وادري انك بالليالي السود فعله مانسيته
يعرفونك ساكنين ابان واطراف البدايع=غيرهم من يعرفك واسمك تراني ماقريته


ناصر المظيبري
قالو ان الثلج لابانت عليه الشمس مايع=وانت فعلك مانسيته كم وكم مره شريته
معرفة ربعي تكفي واعتبرني بالطلايع=مير حجاج ابتلاني ياجماعه وابتليته


حجاج المهيمزي
منت شمس ولانت شي ولانت كسب ولاطمايع=اجوديٍ ماتولاه الوفوق اليا وليته
اعتبرك من الطلايع صح يازين الطبايع=مير موقفك اختلف وقت اللزوم ولاحميته


ناصر المظيبري
لو اقولك الطريق ايمين منته رجل طايع=اقتد بسلمان لاساق الهجوس وصاغ بيته
تعرف ان الذيب يرثع بالقطيع من القطايع=وانت قطعه من قطيع لاتركته ولاكليته



حجاج المهيمزي
ماتعلمني وانا خابرك ماتعرف السنايع=واعرف ان اللي سواتك في لهب ناري رميته
كان تبغى اصورك وانهيك في تصوير رايع=انت كائن لو لقيته في طريقي ماوطيته



ناصر المظيبري
انت وشبك كل ماجينا يلوع القلب لايع=ونارك اللي تلتهب من عصرها باسفل حويته


والسلام عليكم ورحمة الله ...,,,