’ أذكر لقانا والتفتلك وأناديك ... وأراجع أوقاتٍ لنا معك راحت’

بعد
السلام ..
أبداء بـِ نظم الكلامِ ..
وإمضائه ورصفه .. وإعرابه وصرفه ..
.
.
نص متواضع ..
يلتمس عفو ذائقتكُم ..
وأن يرتقي لـِ بيلسانِ طرائقكُم ..
.
.
[poem=font="traditional arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مدري .. جحود الوقت والإ شرابيـك = والإ ليـالٍ .. روحتبـي وشآحـت ’
وإلا همومٍ .. وردتنـي علـى ذيـك= وإلا وروداً .. جاذبتنـي وفـاحـت ’
أمشي وأسولف .. بين ذولا وذوليـك =وأضحك وأنا .. كلي جروحٍ تناحت ’
وأذكر لقانـا .. يا عذابي وأناديـك =وأراجع أوقاتٍ .. لنا معك رآحـت ’
يومك .. تلقاني و تلبس غطاويـك= و اتلملم القذله .. وعينـك تساحـت ’
حتى ادلهمت .. وأعثرتبك خطاويـك =واستنهضت .. نفسك علينا و طاحت ’
تبغى الستر .. والحظ عيا يغطيك = عن عين عاشق .. ناظرتبك و ساحت ’
و اليا غشتنـي .. وأحتفتبـي قوافيـك =لميتلك .. هجسٍ بصدري تلاحـت ’
هجسٍ .. تثنت وانسجتلي حكاويـك =ياما صفتلك .. وانهجتلك وصاحت ’
ماهمها .. ليل الشقا والدرابيك = كم روبعت .. في ديرتك واستراحت ’
محبوكةٍ .. تشبه لحبك الصعاليك = للشعر .. في صدر الشواعير زاحت
سطرتها .. يومٍ لفتني طواريك = حتى .. استبانت للملأ واستضاحت ’
واليوم .. قفـت وابعدتنـي لياليـك = وجيوش ذكرك .. صادفتني ولاحت ’
واشتقتلك .. شوقٍ يغربل معاليك = شوقٍ .. له الورقا من الضيق ناحت ’
[/poem]
.
لعل ..
لـ الإستعجالِ مِنها نَصيب ..
فـ عُذراً ..
أشبه بـِ قولِ نُذراً ..!
.
.
جل
التحيه والتقدير
ذ
ي
ب
ا
ن